Aqorda tabıǵat qorǵaý ınspektorlary nagradalarynyń sýretin jarııalady

ASTANA. QazAqparat - Aqordanyń Feısbýktegi paraqshasynda marapattalǵan tabıǵat qorǵaý ınspektorlary Erlan Nurǵalıev pen Petr Nıtsyktyń nagradalarynyń sýreti jarııa etildi, dep habarlaıdy QazAqparat.

Eske sala ketsek, qyzmettik boryshyn atqarý ústinde kórsetken erjúrektigi men janqııarlyǵy úshin Elbasy Jarlyǵymen Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» ÓB» RMQK Ortalyq óńirlik fılıalynyń ınspektorlary -Erlan Balǵabekuly Nurǵalıev (marqum) jáne Nıtsyk Petr Alekseevıch ІІІ dárejeli «Barys» ordenimen marapattaldy.

Eske sala ketsek, ınspektorlar Qaraǵandy oblysy Nura aýdanynyń aýmaǵynda kıik atqan «Toıota Lend Krýzer» kóligindegilerdiń sońyna túsedi. Olardy toqtatqanda brakonerler «Ohotzooprom» ÓB» RMQK ınspektorlary P.Nıtsyk pen E.Nurǵalıevti soqqyǵa jyqqan.

Aýyr jaraqat alǵan Erlan Nurǵalıev 15 qańtarda Astananyń №1 aýrýhanasynda kóz jumǵan edi.

Keıin Qyzylorda oblysyndaǵy arnaıy operatsııasynyń nátıjesinde jeke úılerdiń birinen Erlan Nurǵalıevtiń ólimine qatysty úsh kúdikti ustaldy.