Aqorda Prezıdenttiń arhıvtegi sýretin jarııalady
«1998 jyly áýejaıdan kele jatqan jolda «Elimizdiń jańa ortalyǵyn «Astana» dep ataýdy durys kórem» dep, oıymda júrgen sózdiń ushtyǵyn shyǵaryp qalǵan edim. Keshqurym rezıdentsııada astana ataýyna baılanysty áńgimemiz jalǵasty.
«Astana» dep ataýǵa ne sebepti yqylasym aýǵanyn aıtyp, dáleldi dáıekter keltirdim. «Birinshiden, «astana» sóziniń maǵynasy aıqyn. Eldiń bas qalasy uǵymyn bildiredi. Ekinshiden, saıası jáne tarıhı turǵydan alǵanda da, árkim árqalaı túsinip, qabyldaıtyndaı ataý emes. Úshinshiden, «astana» degen sózdiń ózi qalanyń atqaratyn qyzmetin kórsetip tur.
Memlekettik tilde aıtsań da, basqa tilde aıtsań da, qulaqqa jaǵymdy, aıdyndy ataý. Onyń ústine: jańa astanalar tusaýkeserinde qala ataýy - álem memleketteri bas qalalarynyń tizimine enip, qala sımvolyna aınalýy da múmkin», - degen edim»,-dep jazdy Elbasy kitabynda.
Aıta keteıik, kitaptyń tanystyrylymy 15 jeltoqsanda Astanada jasaldy.