Ákimshilik aıyppul tóleý: jańa pılottyq joba iske qosyldy

<p>ASTANA. KAZINFORM &ndash; Taraz qalasynda ákimshilik aıyppuldy tóleýdi jeńildeý maqsatynda &laquo;Ońaılatylǵan is júrgizý&raquo; pılottyq jobasy iske qosyldy.&nbsp;</p>

Atalǵan qyzmet «Memlekettik kórsetiletin qyzmetter týraly» Qazaqstan Respýblıkasy
Zańynyń 22-babyna sáıkes júzege asyrylýda. Sonymen qatar pılottyq joba aıasynda avtomattandyrylǵan aqparattyq júıesiniń jumys algorıtmi bekitilgen.

«Ádilet mınıstrliginiń májbúrlep oryndatý departamenti jáne Qazaqstan Respýblıkasy jeke sot oryndaýshylarynyń respýblıkalyq palatasy (kelisim boıynsha) pılottyq jobaǵa ádistemelik qoldaý kórsetsin. Sondaı-aq Ádilet mınıstrliginiń tsıfrlandyrý jáne memlekettik qyzmetterdi avtomattandyrý departamenti jáne jeke sot oryndaýshylarynyń respýblıkalyq palatasy (kelisim boıynsha) pılottyq jobany tehnıkalyq súıemeldeýdi qamtamasyz etsin», - delingen QR normatıvtik quqyqtyq aktileriniń elektrondyq túrdegi etalondyq baqylaý bankiniń resmı saıtynda. 

Pılottyq joba 2024 jylǵy 31 jeltoqsanǵa deıin qoldanylady.

Aıta keteıik, «Ońaılatylǵan is júrgizý» pılottyq jobasyn iske asyrýǵa Ádilet mınıstrligi men Tsıfrlyq damý, ınnovatsııalar jáne aeroǵarysh ónerkásibi mınıstrligi jaýapty.

Pılottyq jobanyń jumys algorıtmimen silteme arqyly tanysýǵa bolady.