Aqmolanyń týrıstik nysandary reseılik kompanııalardyń kóńilinen shyqty
Aqmola oblysynyń «Visit Aqmola» týrıstik aqparattyq ortalyǵynyń málimeti boıynsha, oblystyq týrızm basqarmasynyń uıymdastyrýymen ótken týrda Qazaqstan jáne Reseıdiń týrıstik kompanııalarynyń ókilderi Býrabaı men Zerendi kýrorttarynyń eń úzdik týrıstik nysandarynda boldy.
«Sharanyń maqsaty - kýrortty óńirdiń týrıstik áleýetimen tanystyrý, óńirde kóshpeli týrızmdi damytý, Qazaqstan jáne Reseı týrıstik kompanııalarynyń iskerlik baılanysyn nyǵaıtý. Aqparattyq - jarnama týryna barlyǵy 15 kompanııa qatysty. Olardyń arysynda Reseıdiń Omby, Qorǵan, Túmen sııaqty birqatar oblystarynan kelgen týrıstik kompanııa ókilderi boldy. Týrge qatysýshylar «RixosBorovoe», «Terrassa Park», «Park House Kokshetau», «Aınakól», «Konfor Hotel», «Álem», «Álem+», «Samal», «Green Wich hotel», «Insar», «Komfort», «Jumbaqtas», «Edem» otelderi, «Zelenyı Bor», «Şýchınsk, «Zeren-Nur» demalys aımaǵy, «Parýs», «Qaraǵaıly» shıpajaılary sııaqty 30-ǵa jýyq týrıstik nysanda boldy», - deıdi «Visit Aqmola» týrıstik aqparattyq ortalyǵyndaǵylar.
Sonymen qatar, qonaqtarǵa kýrortty óńirlerdiń kórikti jerlerine baǵyttalǵan «Býrabaı - Qazaqstannyń injý marjany» ekskýrsııalyq baǵdarlamasy usynyldy. Qonaqtar Abylaı han alańy, Vızıt ortalyq, ashyq aspan astyndaǵy «Botaı - Býrabaı» murajaıy jáne «Qazaqstandyq Laplandııa» balalardyń oıyn-saýyq keshenin aralap kórdi.
Budan bólek, aqparattyq - jarnama týryna qatysýshylarǵa Nur-Sultan qalasynyń «Nur-Álem» pavılony, Báıterek, «Haziret Sultan» meshiti, Beıbitshilik pen kelisim saraıy sııaqty kórikti oryndaryna ekskýrsııa uıymdastyryldy.
«Men bul týrdan esten ketpes erekeshe áser aldym. Uıymdastyrýshylarǵa jyly qabyldap, jaqsy kóńil úı syılaǵany úshin shynaıy alǵysymdy bildiremin. Áriptestikti odan ári nyǵaıtýǵa daıynbyz»», - deıdi Omby qalasyndaǵy «Dolche Vıta» jaýapkershiligi shekteýli qoǵamynyń ókili Oksana Tochenova.
«Bul joly da reseılik qonaqtar Aqmola oblysynyń týrıstik áleýetiniń, onyń ishinde týrızm men demalý ındýstrııasynyń múmkindigi joǵary ekenine kóz jetkizdi. Olar óńir basshylyǵy men uıymdastyrýshylarǵa alǵystaryn bildirip, odan ári áriptestik baılanysty nyǵaıtatyndyqtaryn aıtty», - dep tolyqtyrdy «Visit Aqmola» týrıstik aqparattyq ortalyǵyndaǵylar.