Aqmolanyń Arshaly aýdanyna 34,1 mıllıard teńge ınvestıtsııa salyndy

KÓKShETAÝ. QazAqparat - Aqmola oblysy Arshaly aýdanynyń ákimi Talǵat Muhanbetjanov óńirlik kommýnıkatsııalar qyzmetinde óńirdiń 2018 jylǵy áleýmettik-ekonomıkalyq damýynyń qorytyndysy týraly brıfıng ótkizdi, dep habarlaıdy QazAqparat tilshisi.

Talǵat Muhanbetjanov aýdan turǵyndarynyń ál-aýqatyn arttyrý baǵytynda júzege asyrylyp jatqan memlekettik baǵdarlamar men áleýmettik-ekonomıkalyq damý kórsetkishterine toqtaldy.

Astana aglomeratsııalyq aımaǵyna engen Jibek joly, Jaltyrkól, Volgodonovka, Qostomar, Qoıgeldi aýyldary men 42-shi Razezd jáne Babataı stansalaryndaǵy turǵyndaryń sany jedel ósip keledi.

«Búgingi tańda aýdanda 36 kásiporyn jumys isteıdi. Onyń ishinde negizinen temirbeton ónimderi, qıyrshyq tas, qum óndiriledi. «Qazshpal» aktsıonerlik qoǵamy men «Arkada Indastrı» jaýapkershiligi shekteýli seriktestigi ótken jyly 4 mıllıard teńgeniń ónimin shyǵardy. Osynyń aqasynda aýdanda ónerkásip salasynda birshama ósim baıqaldy. Shaǵyn jáne orta bıznes sýbektileriniń sany ósti. Aýdan ekonomıkasyna salynǵan ıvestıtsııa kólemi 34,1 mıllıard teńgeni qurady», - dedi aýdan ákimi Talǵat Muhanbetjanov.

Brıfıngte aıtylǵandaı, aýdanda úı qurylysy salasyn damytýǵa jetkilikti kóńil bólinýde. Sonymen qatar, densaýlyq saqtaý, bilim, mádenıet nysandaryn salý jáne kútip ustaý jumystary da udaıy nazarda. Aýdanda sý jəne elektrmen jabdyqtaý məselesin sheshý qolǵa alynýda.