Aqmolalyqtarǵa memqyzmetti alýdyń jańa múmkindikteri túsindirildi
Óńirlik kommýnıkatsııalar qyzmetinde ótken brıfıngte baıandama jasaǵan «Azamattarǵa arnalǵan úkimet» memlekettik korporatsııasy Aqmola oblystyq fılıaly dırektorynyń orynbasary Nurbek Qaıyrjanovtyń aıtýynsha, «elektrondy úkimet» arqyly memlekettik qyzmetti óz betinshe alatyn aqmolalyqtar sany artyp keledi.
Búgingi kúni memleket qyzmet tizilimne sáıkes, 723 qyzmet kórsetilse, onyń 648 memlekettik korporatsııa, 580 «elektrondy úkimet» jáne 75 qyzmet kórsetý arqyly. Qoldanystaǵy zańnamaǵa engizilgen ózgeristerge saı Qazaqstanda osy jyldyń 1 qarashasynan bastap mekenjaı anyqtamasy alynyp tastalady. Sol sebepti, azamattar bul qujat talap etilmeıdi.
«1 qarashadan bastap azamattar óz mekenjaıyn elektrondy úkimet portalyndaǵy jeke kabınetine kirip teksere alady», - deıdi fılıal dırektorynyń orynbasary Nurbek Qaıyrjanov.
Onyń aıtýynsha, memlekettik korporatsııa memlekettik qyzmettiń qoljetimdiligi men tıimdiligin arttyrý basty nazarda ustaıdy. Qazirgi tańda memlekettik qyzmettiń 50-den astam túrin ETsQ-syz (elektrondy tsıfrly qoltańba) bir rettik qupııa sóz arqyly alýǵa da bolady. Avtoáýesqoılar úshin de jańa júıe ýaqytty únemdeýge qolaıly. Byltyrdan bastap «Elektrondy úkimet» portalynda júrgizýshi kýáligin rásimdep, avtokólikti tirkeý múmkindigi týdy. Sonymen qatar, meken-jaıǵa tirkelýdi rásimdeýge de bolady.
«Azamattardyń kóbi áleýmettik jelini qoldanatyndyqtan birqatar tanymal áleýmettik jelilerde memlekettik qyzmet alatyn qosymsha servıster ashyldy. Máselen, Telegram-bot arqyly-20, V Kontakte arqyly-19 jáne Fecebook arqyly-15 memlekettik qyzmet túrli qoljetimdi. Búgingi kúni HQKO qyzmetkerleriniń belsendiligiń arqasynda Telegram-bot qoldanýshylarynyń sany 54108 jetip otyr», deıdi Nurbek Qaıyrjanov.
Budan bólek, qazirgi ýaqytta elektrondyq úkimettiń mobıldi qosymshasynyń jańartylǵan nusqasy iske qosylǵany atap ótti. Bul qosymsha qyzmet alýshylardyń eskertýleri men usynystaryn eskere otyryp jasalǵan. Paıdalanýshy qosymshalarǵa eki jolmen kire alady: bir rettik paroldi engizý nemese ETsQ qoldaný arqyly. Jańa mobıldi qosymshada paıdalanýshylardyń uıaly qurylǵylarynda ETsQ qoldaný protsesi aıtarlyqtaı jeńildep otyr.
«Qazirgi ýaqytta «eGov mobıldi» qosymshasynda 26 memlekettik qyzmet túri júzege asyryldy», - dep túıindedi Nurbek Qaıyrjanov.