Aqmolalyqtar Prezıdent Іs Basqarmasy dárigerlerinen tegin keńes ala alady
Bul týraly PІB medıtsına ortalyǵynyń basshysy Alekseı Tsoı Facebook-te málimdedi.
Bul kelisim óńir turǵyndaryna dárigerlerdiń tegin keńesterin, sanatorıı-kýrorttyq emdeý jáne medıtsınalyq ońaltý qyzmetterin, sondaı-aq qajet bolǵan jaǵdaıda aýyr syrqattarǵa em-dom alýǵa múmkindik beredi.
Odan bólek, memorandým óńirdiń medıtsınalyq personalyn ınnovatsııalyq tehnologııalarǵa oqytý, aýrýlardyń aldyn alý, dıagnostıka, emdeý jáne ońaltý, sondaı-aq jańa medıtsınalyq tehnologııalar men oqytýdyń ınnovatsııalyq ádistemelerin damytý salasynda tájirıbe almasýdy kózdeıdi.
«Birneshe kún boıy QR PІB medıtsına ortalyǵynyń 35 jetekshi mamany (neırohırýrgter, kardıohırýrgter, arıtmologtar, onkohırýrgter jáne t.b.) master-klass, bilim kýrstary, medıtsına qyzmetkerlerine arnalǵan trenıngter ótkizedi, óńir turǵyndaryna keńes beredi. Bolashaqta uzaqmerzimdi yntymaqtastyq boıynsha birlesken jol kartasy ázirlenetin bolady», - dep jazdy Alekseı Tsoı.