Aqmolalyqtar Naýryz meıramyn qalaı atap ótedi
Usynylǵan Naýryz merekesin toılaýdyń jańa tujyrymdamasy sheńberinde Aqmola oblysynda merekelik is-sharalar 9 naýryzda bastaldy. Sol kezde oblystyń barlyq uıymdarynda qazaqtyń ulttyq kıimin dáripteý boıynsha chellendj bastaý aldy. Kelesi kezekte oblystyń barlyq óńirleriniń turǵyndaryn qamtıtyn baıqaýlar ótkiziledi. Olardy júzege asyrý úshin stsenarıımen jáne barlyq qajetti sanıtarlyq-epıdemıologııalyq normalardy saqtaı otyryp júrgizý erejeleri bekitildi.
Mysaly, oblystyq «Batamen el kógeredi», «Kelinder saıysy», «Jigit sultany», «Sybaǵa tartý», «Áldı,áldı, aq bópem», «Ulttyq kıim defılesi», «Kóktem arýy», «Ulttyq oılar» baıqaýlary, memlekettik tildi bilýge arnalǵan «Til – asyl qazyna» baıqaýy, «Shyńǵys han», «Qadir tańy», «Otbasylyq qupııa», «Koneı svoıh ne preryvaıa beg» spektaklderiniń premeralary ótkiziledi.
Mádenıet, arhıvter jáne qujattama basqarmasynyń basshysy Aıgúl Sábıtovanyń aıtýynsha, mereke kúnderi oblys ortalyǵynyń turǵyndary úshin «Ulttyq ertegiler kerýeni» ulttyq ertegileriniń kerýeni usynylady.
«Sondaı-aq, oblys aýdandary men qalalarynda, Kókshetaý qalasynyń on shaǵyn aýdanynda 10 altybaqan ornatylyp, Temirjol vokzaly, Saryarqa shaǵyn aýdany men «Táýelsizdik» alańynda ashyq aspan astyndaǵy «mýzeı-kıiz úı» atty úsh ekspozıtsııa ornatylady, al saýda úılerinde folklorlyq ansamblderdiń merekelik kontsertteri ótedi. Sondaı-aq, mıýzıkldiń premerasy, onlaın-teatrlandyrylǵan qoıylym, «Ǵasyrlar pernesi», «Merekelik shashý», «Qosh keldiń, Naýryz!», «Naýryzym-nurly yrysym» televızııalyq kontsertteri usynylady, - dep tolyqtyrdy A.Sábıtova.
Sondaı–aq, óńirde Naýryz meıramyna arnalǵan «Qut berekem - áz Naýryz», «Bylǵary buıymdary - kóshpendiler murasy» etno - kórmeleri, «Naýryz toıy – mereke, salt dástúrim bereke» salt-dástúrler serııasyn kórsetý jáne kópshilikke taratý, «Jeti ata» zııatkerlik baıqaýy, mánerlep oqý baıqaýlaryn, Qazaqstanda turatyn etnıkalyq top ókilderiniń qatysýymen Qazaq tarıhyn, salt-dástúrlerin bilýge arnalǵan zııatkerlik vıktorınalaryn ótkizý josparlanǵan.
«Respýblıkalyq «30 ıgi is» marafony aıasynda medıtsınalyq-áleýmettik mekemeler uıymdarynda, balalar úılerinde, beıimdeý ortalyqtarynda, mobıldi toptar men volonterlerdiń, metsenattardyń, qaıyrymdylyq jáne erikti uıymdardyń qatysýymen «Meıirim kerek adamǵa», «Igi ispen jarasaıyq», «Tvorı dobro» tárizdi qaıyrymdylyq aktsııalary toptamasy iske qosyldy. Mereke kúnderi Kókshetaý qalasynda páter ıeleri kooperatıvteriniń qyzmetkerleri, medıtsına qyzmetkerleri, polıtsııa qyzmetkerleri Naýryz kóje, baýyrsaq pisirip, eńbek adamdaryna qurmet kórsetetin bolady», - dedi A.Sábıtova.
Vedomstvodan atap ótkendeı, eldi mekenderde ǵımarattardyń, aýlalardyń qasbetterin bezendirý, dástúrli ulttyq taǵamdardy jergilikti jármeńkelerdi, balalarǵa arnalǵan oıyn-saýyq jáne tanymdyq baǵdarlamalardy, sonyń ishinde ulttyq sporttyq oıyndardy birlesip ótkizý josparlanǵan.
Eske sala keteıik, Aqmola oblysynda Táýelsizdiktiń mereıtoılyq jylynda «Táýelsizdikke taǵzym» jobalar tsıkline engen 500-den astam merekelik is-shara ótkiziledi.