KÓKShETAÝ. QazAqparat – Aqmolalyqtar Qostanaı oblysynda órtten zardap shekkenderge gýmanıtarlyq kómektiń alǵashqy legin jóneltti, onyń ishinde azyq-túlik pen kıim-keshek, tósek jabdyqtary bar, dep habarlaıdy QazAqparat tilshisi.
«AMANAT» partııasynyń Aqmola oblystyq fılıaly baspasóz qyzmetiniń málimetinshe, partııanyń oblystyq jáne 20 aýdandyq fılıaldarynda gýmanıtarlyq kómek kórsetý pýnkteri ashylyp, jumys isteýde. Onda kıim-keshek, dári-dármek, azyq-túlik, gıgıena quraldary qabyldanyp jatyr.
«Depýtattar men partııanyń bastaýysh uıymdary, jalpy barsha aqmolalyqtar osynaý syn saǵatta bir jaǵadan bastan, bir jeńnen qol shyǵaryp, kómek kórsetip jatyr. Búgin Qostanaı oblysy Áýlıekól aýdandarynyń turǵyndaryna aqmolalyqardan jınalǵan gýmanıtarlyq kómektiń alǵashqy legi jiberildi, onyń ishinde jalpy salmaǵy 15 tonnadan astam azyq-túlik pen kıim-keshek, tósek-oryn bar», - dedi partııa fılıalynyń baspasóz qyzmetinen.
Aslan Ospanov
M.Qozybaev atyndaǵy Soltústik Qazaqstan memlekettik ýnıversıtetinde oqyǵan. Maqalalary respýblıkalyq, oblystyq jáne qalalyq gazetterde jıi jarııalanyp keldi. «Qazaqstan» RTRK» aktsıonerlik qoǵamynyń Aqmola oblystyq fılıalynda, «Arqa ajary» gazetinde qyzmet atqardy. 2014 jyldan beri «KAZINFORM» HAA-de jumys isteıdi.