Aqmolalyqtar Abaı oblysyna 20 tonna gýmanıtarlyq kómek jóneltti

KÓKShETAÝ. QazAqparat – Aqmolalyqtar Abaı oblysynda órtten japa shekkenderge 20 tonna gýmantıralyq kómek jóneltti, dep habarlaıdy QazAqparat tilshisi.

Aqmola oblystyq ishki saıasat basqarmasynyń málimetinshe, «KamAZ» júk kóligine tıelgen júk azyq – túlik, kókónis, sý jáne ózge de turmystyq zattardan turady.

Ol órtten zardap shekkenderge, sondaı-aq tótenshe jaǵdaılardy joıýǵa atsalysyp jatqan órt sóndirýshiler men qutqarýshylarǵa arnalǵan.

«Qıyn jaǵdaıǵa tap bolǵan adamdarǵa kómek qolyn sozý qazaqta erteden bar. Búkil el bolyp, Abaı oblysynda orman órtinen zardap shekkenderge janashyrlyq tanytyp, kómektesip jatyrmyz. Bul ıgi isten aqmolalyqtar da shet qalmady. Óńirdegi kásiporyn basshylary alǵashqy kúnnen-aq gýmanıtarlyq kómek kórsetýge nıet bildirdi», - deıdi Aqmola oblystyq qoǵamdyq keńesiniń tóraǵasy Ermek Nuǵymanov.

Osy rette «Agrofırma TNK» JShS, «Blic Terminal» JShS, «Zerendi Saqtaý Ónimderi» JShS, «Kókshetaýmınerldysýlary» AQ, «MPK Bıjan» JShS úles qosyp otyr.

Aıta ketsek, budan buryn Shyǵys Qazaqstan halqy Abaı oblysyna 15 tonna gýmanıtarlyq kómek jibergenin jazǵan edik.