Aqmolalyq turǵyn urlanǵan jylqyny úıinde jasyrǵan

KÓKShETAÝ. QazAqparat – Aqmola oblysynda úsh jylqyny urlaǵan 47 jastaǵy kúdikti ustaldy, dep habarlaıdy QazAqparat tilshisi oblystyq Polıtsııa departamenti baspasóz qyzmetine silteme jasap.

Vedomstvonyń málimetinshe, 3 jeltoqsan kúni tańǵy saǵat 06:40-ta Astrahan aýdanynyń kezekshi bólimine Petrovka aýylynyń turǵynynan aryz tústi. Er adamnyń sózinshe, 2 jeltoqsan kúni saǵat 22:00-de belgisiz bireýler úı aýlasynda turǵan úsh jylqyny urlap ketken. Mal ıesine barlyǵy 950 myń teńge shyǵyn keltirilgen.

«Jedel izdestirý sharalary barysynda polıtsııa qyzmetkerleri «Gıta» atty qyzmettik ıttiń kómegimen kúdiktini anyqtady. Ol Petrovka aýylynyń 47 jastaǵy turǵyny bolyp shyqty. Baýkespe ury urlanǵan jylqynyń ekeýin dalaǵa jibergen, al bireýin úıdiń ishine jasyrǵan», - dedi vedomstvodan.

Qazirgi kezde, osyǵan baılanysty Qylmystyq kodekstiń 188-1-babynyń 3-bóligi «mal urlyǵy» boıynsha sotqa deıingi tergeý amaldary júrgizilýde.