Aqmolalyq segiz kásipker «Ashyq» jobasynan shyǵaryldy

KÓKShETAÝ. QazAqparat - Aqmola oblysynda QR-kod boıynsha kelýshiler sany nól bolǵan segiz kásipker Ashyq jobasynan shyǵaryldy, olardyń QR-kodtary sóndirildi, dep habarlaıdy QazAqparat tilshisi oblystyq sanıtarlyq-epıdemıologııalyq baqylaý departamentiniń baspasóz qyzmetine silteme jasap.

Vedomstvonyń málimetinshe, Aqmola oblysynda «Ashyq» jobasynyń arqasynda mekemelerge barýǵa tyrysqan «qyzyl» jáne «sary» mártebesi bar 83 adam anyqtaldy. Olardyń ishinde-30 KVI («qyzyl» mártebe) jáne 53 baılanysta bolǵan («sary» mártebe) naýqastar.

«Anyqtalǵan «qyzyl» jáne «sary» mártebelerdiń eń kóp sany Býrabaı aýdanynda-32, Kókshetaý qalasynda-29, Stepnogorsk qalasynda-6 jáne Atbasar aýdanynda-4 adam. Jarqaıyń, Arshaly, Ereımentaý, Esil, Zerendi, Sandyqtaý jáne Tselınograd aýdandarynda bir jaǵdaı anyqtaldy», - dep atap ótti vedomstvodan.

Anyqtalǵan mártebelerdiń jalpy sanynan 20 adam Nur-Sultan qalasynyń turǵyndary. Onyń 13-i Býrabaı aýdanynda, 3-i Atbasar aýdanynda jáne 4-i Kókshetaý qalasynda anyqtaldy. Sondaı-aq, Almaty qalasynyń eki turǵynynda, bir qaraǵandylyqta jáne Petropavldyń úsh turǵynynda mártebeler anyqtaldy. Sonymen qatar, Nur-Sultan qalasynyń halyqaralyq áýejaıyndaǵy mártebesin tekserý kezinde jolaýshylar arasynda «qyzyl» jáne «sary» mártebesi bar toǵyz aqmolalyq anyqtaldy.

«Óńirde «Ashyq» jobasy aǵymdaǵy jyldyń sáýir aıynan bastaldy, osy qosymsha boıynsha 432 nysan resmı jumys isteıdi, al qalǵandary - testilik rejımde. Sonymen qatar, QR-kod boıynsha kelýshilerdiń sany nól bolǵan segiz kásipker «Ashyq» jobasynan shyǵaryldy, olardyń QR-kodtary sóndirildi. Bular Kókshetaý qalasyndaǵy «Almaty» dámhanasy, «Avenue» meıramhanasy, «Mesto pro mıaso qamyr» dámhanasy, «JJB» dámhanasy. Atbasar aýdanynda «Ýngýrıan» JK kompıýterlik klýby jáne «Áýbákirova» JK tıesili «Baǵyz» dámhanasy. Býrabaı aýdanyndaǵy «Qabykeev» JK dámhanasy, sondaı-aq, Ereımentaý aýdanyndaǵy «Aqjol» jol boıyndaǵy servısi», - dep qosty vedomstvodan.

Atalǵan nysandardyń tizimi Aqmola oblysy ákimdiginiń saıtynda ornalastyrylǵan.

Eske sala keteıik, «Ashyq» engizýdiń negizgi maqsaty-juqtyrǵan nemese baılanysta bolǵan adamdardyń qoǵamdyq oryndarǵa barý jaǵdaılaryn boldyrmaý. «Qyzyl» jáne «sary» mártebesi bar naýqastar úı karantıniniń 14 kúnin saqtaýy tıis. Eger azamat óziniń juqtyrylǵan mártebesi týraly bile tura, ózin-ózi oqshaýlaý rejımin buzsa jáne aınalasyndaǵylarǵa qasaqana juqtyrý qaýpin týdyrsa, oǵan 30 aılyq eseptik kórsetkish nemese 87 510 teńge mólsherinde ákimshilik aıyppul salynady.