Aqmolalyq pedıatr ata-analardy balalaryna vaktsına saldyrýdan qoryqpaýǵa shaqyrdy

KÓKShETAÝ. QazAqparat - Kókshetaý qalalyq emhanasynyń pedıatr-dárigeri Veronıka Korneva ata-analardyń balalardy vaktsınatsııalaý pikiri týraly aıtty. Onyń tájirıbesinde bul máselede ata-analardyń vaktsına týraly oılary ártúrli, dep habarlaıdy QazAqparat tilshisi oblystyq ishki saıasat basqarmasyna silteme jasap.

«Bizdiń elimizde antıvakserler qozǵalysy jetkilikti damyǵan. Áleýmettik jelidegi ár habarlama, vaktsınatsııa týraly ár jarııalanym áleýmettik rezonans týdyrady. Qazaqstanǵa vaktsına áli kelmeı turǵannyń ózinde keıbir naýqastar telefon arqyly qońyraý shalyp, vaktsınatsııalaý múmkindigi qashan bolatynyn suraǵan edi. Qalaı bolǵanda da, vaktsınatsııa – bul erikti sheshim. Balaǵa onyń ata-anasy jaýap beredi. Olarǵa aqparattandyrylǵan kelisim beriledi. Biz árdaıym áńgimelesip, túsindirip otyramyz. Vaktsınatsııa - bul aýrýdan aýlaq bolýdyń nemese aýrýdan jeńil emdelip shyǵýdyń naqty joly», - deıdi Veronıka Korneva.

Dáriger ujymdyq ımmýnıtetti damytý úshin eresek turǵyndardyń ımmýnızatsııalaýy jetkiliksiz ekenin atap ótti.

«Biz ujymdyq ımmýnıtet týraly bárimiz bilemiz. Men vaktsınatsııadan qorqatyn ata-analardy túsinemin. Tabıǵatqa tán, biz barlyq jańa nárselerden qorqamyz. Biraq eshkim qyzylshaǵa, qyzamyqqa, parotıtke qarsy vaktsınatsııadan qoryqpaıdy, sonyń arqasynda bizdiń balalarymyz bul ınfektsııalarmen aýyrmaıdy. Biz pandemııa kezeńinde ómir súrip jatyrmyz, Eger adamdardyń kópshiligi vaktsınatsııalansa jáne bizde ujymdyq ımmýnıtet bolsa, onda biz bul ınfektsııany jeńe alamyz», - dep túıindedi Veronıka Korneva.

Aıta keteıik, 26 jeltoqsandaǵy jaǵdaı boıynsha Aqmola oblysynda 3 730 adam Comirnaty vaktsınasymen egildi. Onyń ishinde 12-17 jastaǵy jasóspirimder – 2 728, júkti áıelder – 99, bala emizetin áıelder – 903