Aqmolalyq memqyzmetshiler Abaıdyń 175 jyldyǵyna oraı izgi ister estafetasyn bastady

KÓKShETAÝ. QazAqparat - Aqmolalyq memlekettik qyzmetshiler Abaıdyń 175 jyldyǵyna oraı izgi ister estafetasyn bastady, dep habarlaıdy QazAqparat tilshisi Memlekettik qyzmet isteri agenttigi Aqmola oblysy boıynsha departamentiniń baspasóz qyzmetine silteme jasap.

Vedomstvonyń málimetinshe, qazaqtyń uly aqyny Abaı «Jaqsylyq jasaý - ár adamnyń paryzy» dep jazǵan. Aqyn óziniń on tórtinshi qara sózinde «Tiri adamnyń júrekten aıaýly jeri joq» dep barsha adamzatty izgilikke shaqyrǵan.

QR Memlekettik qyzmet isteri agenttiginiń Aqmola oblysy boıynsha departamentiniń qyzmetkerleri Abaıdyń 175 jyldyǵyn merekeleý sheńberinde izgi ister jasaýǵa baǵyttalǵan «Meıirimdilik júrekten» estafetasyn bastady.

«Estafeta sheńberinde 24 qańtarda jumys kúni aıaqtalǵannan keıin departament qyzmetkerleri Kókshetaý qalasynda turatyn 1931 jyly týǵan jalǵyzbasty tyl ardagerine úı mańyndaǵy aýmaqty qardan tazartýǵa kómektesti. Aktsııamen oblystyń barlyq memlekettik organdary qamtylady. Bul rette qaıyrymdy isterdi jasaýda eshqandaı shekteý joq. Estafeta sheńberinde memlekettik qyzmetshiler qan tapsyrý, aýyr syrqatqa shaldyqqan adamdardyń emdelýi úshin aqshalaı qarajat aýdarý, ardagerlerge nemese az qamtylǵan otbasylarǵa sharýashylyq jaǵynan kómek kórsetý, sábıler úıine oıynshyq jetkizý nemese qart adamdardy avtokólikpen tegin jetkizip salý sııaqty kez kelgen izgi isti tańdaı alady», - deıdi vedomstvonyń baspasóz hatshysy Jazıra Toqtar.

«Meıirimdilik júrekten» estafetasy Aqmola oblysynyń Ádilet departamentine joldandy.