Aqmolalyq qutqarýshylar qysqa daıyndyǵyn pysyqtap jatyr
O ǵan tótenshe jaǵdaılar departamentiniń aýmaqtyq bólimsheleri, oblystyq azamattyq qorǵaý qyzmetteri, mekemeler men kásiporyndardyń jáne uıymdardyń ókilderi qatysyp jatyr.
Tótenshe jaǵdaılar departamentiniń bastyǵy Nurlan Atyǵaevtyń aıtýynsha, oqý-jattyǵý ótkizetin oryn retinde Ereımentaý aýdany tańdalǵan.
«Bıyl biz Ereımentaý qalasyn kezdeısoq tańdaǵan joqpyz. Geografııalyq jaǵdaıy men aýmaqtyq ornalasýy boıynsha jyl saıyn dál osy aýdanda qysta avtomobıl joldarynda keptelis bolady. Búgin aýdan ortalyǵyna oblystyq azamattyq qorǵaý qyzmetiniń barlyq ókilderi keldi. Qysqy kezeńge daıyndyq tekserilip jatyr», – dedi Nurlan Atyǵaev.
Aıta ketsek, mundaı oqý-jattyǵýlar jyl saıyn respýblıkanyń barlyq oblystarynda ótedi. Oqý-jattyǵý jumystaryn pysyqtaý maqsatynda oblystyń barlyq qalalary men aýdandarynda jedel shtabtar quryldy.
Qutqarýshylar tótenshe jaǵdaı kezinde barlyq sanıtarlyq-epıdemıologııalyq jáne karantın normalaryn saqtaı otyryp, eki kún qatarynan naqty ýaqyt rejıminde is-qımyl algorıtmderin pysyqtaıdy.
Eske sala ketsek, ótken jyldyń qys mezgilinde óńirde 550-den astam adam qutqaryldy jáne evakýatsııalandy, jylytý pýnktterinde 817 adam ornalastyryldy.
Sondaı-aq, qar qursaýynan 89 tehnıka shyǵaryldy.