Aqmolalyq kásipkerlerge «ASHYQ» jobasyna belsendi qatysýǵa usynys jasaldy
Aqmola oblysynyń kásipkerlik jáne ónerkásip basqarmasynyń málimetinshe, búginde óńirde mundaı nysandar sany 50-ge jýyq. Osy rette, vedomstvo sanıtarlyq-epıdemıologııalyq baqylaý departamentinen kelisý jáne oblys aýdandarynyń jobaǵa qosylý jumystaryn jedeldetýdi suraıdy.
«Kókshetaý jáne Stepnogorsk qalalarynyń kásipkerlerin jobaǵa belsendi qatysýǵa shaqyramyn. Bizdiń oblysymyz, búkil respýblıka sııaqty, uzaq ýaqyt boıy «qyzyl aımaqta» turǵanyn kórip otyrsyzdar. Jumys rejımine qoıylatyn talaptar jáne basqa shekteýler óte qatal. Alaıda, bizdiń kóptegen áriptesterimiz muny túsinip, durys sheshim qabyldady jáne qosymshamen jumys isteıdi, osylaısha ózderin, qyzmetkerleri men kelýshilerin qorǵap qana qoımaı, jumys jaǵdaılaryn aıtarlyqtaı jeńildetedi.
Esterińizge sala keteıin, jobaǵa qatysýshylarǵa QR Bas memlekettik sanıtarlyq dárigeriniń qaýlysymen bekitilgen nysandardyń jumysyn shekteý krıterııleri basqa nysandarǵa qaraǵanda tómen deńgeıde qoldanylady», - dep atap ótti Óńirlik kommýnıkatsııalar qyzmetindegi ótken brıfıngte Aqmola oblystyq kásipkerlik jáne ónerkásip basqarmasy basshysynyń orynbasary Jaslan Ábdirahmanov.