Aqmolalyq dıqandar egin oraǵyna kiristi

KÓKShETAÝ. QazAqparat - Aqmola oblysynyń aýyl sharýashylyǵy taýar óndirýshileri egin jınaý jumystaryn bastady. Bıylǵy jyly óńirde 5,3 mln ga alqapta aýyl sharýashylyǵy daqyldaryn jınaý josparlanýda, dep habarlaıdy QazAqparat oblys ákimdiginiń baspasóz qyzmetine silteme jasap.

«Egis alqaptarynyń negizgi bóligin dándi daqyldar quraıdy – bul 4,9 mln ga. Maıly daqyldardy 198 myń ga alańda, jemshóp daqyldary 223,4 myń ga alańda jınaý júrgiziledi. 13 myń ga astam alańnan kartop jáne 2 myń ga kókónis jınaý josparlanýda», - dedi aýyl sharýashylyǵy jáne jer qatynastary basqarmasynyń basshysy Kenesh Álimjanov.

Búgin Aqmola oblysynyń barlyq 20 aýdanynyń fermerleri egin jınaýǵa kiristi.

Egin oraǵy naýqanyna 29 myń astyq jınaıtyn kombaın, traktor, júk avtomobılderi, sondaı-aq 2,6 myń oraq qatysady. Bıyl 43,7 mlrd teńgege 1,5 myńnan astam aýyl sharýashylyǵy tehnıkasy satyp alyndy.

2023 jylǵy 23 tamyzdaǵy jaǵdaı boıynsha 300 myń gektardan astam dándi jáne burshaqty daqyldar shabyldy.

Aıta keteıik, Aqmola oblysy Qazaqstanda ósiriletin bıdaıdyń tórtten birin óndiredi. Bul rette oblys astyqqa, tuqymǵa jáne jemge degen ishki qajettilikti tolyq qamtamasyz etedi.

Eske ketsek, budan buryn Aqmola oblysynda kúzgi egin oraǵyna 7 myńǵa jýyq kombaın paıdalanylatynyn jazǵan edik.