Aqmolalyq dərigerler latyn jazýyna kóshýdi qoldaıdy

KÓKShETAÝ.QazAqparat - Aqmola oblysynyń densaýlyq saqtaý basqarmasynda jergilikti medıtsınalyq mekeme ókilderiniń qatysýymen latyn álipbıine kóshý məselesi talqylandy, dep habarlaıdy QazAqparat tilshisi vedomstvonyń baspasóz qyzmetine silteme jasap.

«Bul elimiz úshin mańyzdy qadam. Sondyqtan, biz osyǵan ótýdiń keleshegimiz úshin tıimdi ekenin tereń túsinýimiz kerek. Halyqtyń daıyndyǵy, túsindirý jumystary boıynsha qıyndyqtar bolýy múmkin. Sol sebepti bul baǵytta ǵylymı sheshimder qajet. Strategııalyq jaǵynan alǵanda latyn álipbıine kóshý bul bizdiń memleketimizdiń ustanyp otyrǵan oń saıasaty. Ony kezeń kezeńimen, birtindep sheshý qajet», - dedi oblystyq densaýlyq saqtaý basqarmasynyń basshysy Səýle Qısyqova óz sózinde.

Oblystyq məslıhattyń depýtaty, Aqmola oblystyq aýrýhanasynyń bas dárigeri Serik Aıaǵanov latyn jazýyna kóshý bul qazaq əlipbıi men orfografııasyn jańǵyrtýǵa baǵyttalǵanyn aıtýda.

«Bir sózben aıtqanda, biz jańa əlipbı emes, qazaqstandyqtarǵa tanys jazbany qoldanatyn bolamyz. Qazirgi kezde, qarym-qatynasta zamanaýı aqparattyq tehnologııalar men gadjetterdi qoldanatyn jastar men orta býyn latyn jazýyn biledi», - dedi ol.

Al №1 Kókshetaý qalalyq emhanasynyń bas dárigeri Súlen Іlıasov bolsa, damýdyń dańǵyl jolyna túsken kópultty Qazaqstan Respýblıkasy úshin tarıhı oqıǵa ekenin atap ótti.

Kezdesý sońynda medıtsınalyq mekemelerdiń ókilderi latyn jazýyna qatysty óz oılaryn aıta kele, biraýyzdan qoldaıtyndyqtaryn jetkizdi.