Aqmolalyq búldirshinge julynnyń bulshyqet atrofııasyn emdeý úshin «Spınraza» preparaty egildi

KÓKShETAÝ. QazAqparat – Aqmolalyq 2 jasar balaǵa preparatty oblystyq kópbeıindi balalar aýrýhanasy bazasynda nevrolog dárigerler engizdi, dep habarlaıdy QazAqparat tilshisi.

Aqmola oblystyq densaýlyq saqtaý basqarmasynyń málimetinshe, «Spınraza» - bul julynnyń bulshyqet atrofııasyn (SMA) emdeýge arnalǵan álemdegi alǵashqy dári. Preparat antısens olıgonýkleotıdteri dep atalatyn «rezervtik» SMN2 geninen SMN aqýyzynyń óndirisin arttyrady.

«Qymbat preparat 2 jasar balaǵa ınektsııa túrinde engizildi. Preparatty engizý sátti ótti, jaǵymsyz qubylystar bolǵan joq. Qazir balanyń jaǵdaıy turaqty», - dep atap ótti dárigerler.

Bala tórt júkteme jáne úsh qoldaý dozasyn alýy kerek. Naýqas bul preparatty ómir boıy alady.

Julynnyń bulshyqet atrofııasy (SMA) - progressıvti bulshyqet álsizdiginiń damýymen sıpattalatyn genetıkalyq aýrý.

Preparattyń bir qutysy 42 mıllıon teńgeni quraıdy. Preparat julyn kanalyna ıntratekaldy túrde engiziledi.

Aıta ketsek, budan buryn Aqmola oblysynda naýqas balalardy ońaltý qalaı júzege asyrylyp otyrǵandyǵyn jazǵan edik.