Aqmolalyq balalar beınejazba arqyly Tuńǵysh Prezıdent kúnimen quttyqtady

KÓKShETAÝ. QazAqparat - Aqmola oblysynda ETs-166/24 mekemesi qyzmetkerleriniń balalary onlaın formatta QR Tuńǵysh Prezıdenti Elbasy- Nursultan Ábishuly Nazarbaev týraly qysqasha suhbat beınejazba túsirip, onda barsha qazaqstandyqty merekemen quttyqtady, dep habarlaıdy QazAqparat tilshisi oblystyq qylmystyq-atqarý júıesi departamentiniń baspasóz qyzmetie silteme jasap.

1 jeltoqsan – tuńǵysh prezıdent saılaýynda Qazaqstan Respýblıkasynyń Tuńǵysh Prezıdenti, Elbasy Nursultan Ábishuly Nazarbaevtyń barsha qazaqstandyqtardyń zor senimine ıe bolǵan kúni. Tutas el men halyqtyń senimine ıe bolý arqyly Elbasy ózine júktelgen bar jaýapkershilikti aıqyn sezine otyryp, óz eli men halqynyń taǵdyryn anyqtaýda óziniń perzenttik te, prezıdenttik te boryshyn adal atqara bildi.

QR Tuńǵysh Prezıdenti kúni merekesi qarsańynda uıymdastyrylǵan sharanyń maqsaty – óskeleń urpaqqa Nursultan Ábishuly Nazarbaevtyń san qyrly talant ıesi, qudiretti tulǵa ekenin tanytý, elimizdiń egemen el retinde qalyptasýyndaǵy Elbasynyń rólin kórsetip, otansúıgishtikke jáne patrıotızmge tárbıeleý.

«Shara barasynda Aqmola oblysy boıynsha qylmystyq-atqarý júıesi departamenti ETs-166/24 mekemesi qyzmetkerleriniń balalary arasynda onlaın formatta Elbasy- Nursultan Ábishuly Nazarbaev týraly qysqasha suhbat beınejazba túsirildi. Onda ár búldirshin QR Tuńǵysh Prezıdent jaıly óz pikiri men kóz qarasyn bildirip, barsha qazaqstandyqtardy osynaý aıtýyly merekemen quttyqtady», - deıdi Aqmola oblysy boıynsha qylmystyq-atqarý júıesi departamentiniń baspasóz qyzmetindegiler.