Aqmolalyq azamat boıjetkendi 250 myń teńgege satty degen kúdikke ilindi

ASTANA. QazAqparat – Petropavl qalasynda adam saýdasymen aınalysqan Aqmola oblysynyń týmasy ustaldy. Іshki ister mınıstrliginiń ókili Shuǵyl Turlybek vedomstvonyń onlaın brıfınginde osyndaı derek aıtty, dep habarlaıdy QazAqparat tilshisi.

«Jedel-izdestirý sharalary kezinde kúdiktiniń ınternet pen áleýmettik jeli arqyly materıaldyq jaǵdaıy aýyr qyzdardy, onyń ishinde qolaısyz jáne tolyq emes otbasylardan shyqqan kámeletke tolmaǵandardy izdeýmen aınalysqany anyqtaldy.

Osydan keıin, ol álgi qyzdarmen tanysyp, jumys tabýǵa kómektesetinin aıtyp, Petropavl qalasyna shaqyryp otyrǵan.

Qyzdar qalaǵa kelgennen keıin olarǵa psıhologııalyq qysym jasap, qorqytyp jáne fızıkalyq zorlyq-zombylyq kórsetip, jynystyq qanaý men saýdaǵa paıdalanǵan.

Atalǵan shema boıynsha kúdikti Qostanaı qalasynyń 19 jastaǵy turǵynyn jaldap, ony odan ári qaladaǵy saýnalar men qonaq úılerde ıntımdik qyzmekte paıdalaný úshin 250 myń teńgege satqan», - dedi Shuǵyla Turlybek.

Bul fakt sotqa deıingi tergep tekserýdiń biryńǵaı tizilimine Qylmystyq kodekstiń 128-baby 1-bóligi boınysha tirkeldi.

«Al jábirlenýshi qajetti kómek kórsetý úshin arnaıy baspanaǵa jiberildi», - dedi ІІM ókili.