Aqmolalyq áıel alaıaqtarǵa senip 3 mln teńgesinen aıyryldy

KÓKShETAÝ. QazAqparat - Aqmolalyq áıel alaıaqqa 3 mln teńgege jýyq nesıe rásimdep bergen, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, alaıaqtyń arbaýyna túsip qalǵan Zerendi aýdany Chaglınka aýylynyń 48 jastaǵy turǵyny. Ol ózine polıtsııa qyzmetkeri retinde habarlasqan alaıaqqa Kókshetaý qalasyndaǵy eki bankten 800 000 jáne 2 mıllıon teńgege nesıe alyp bergen.

«11 sáýirde áıeldiń uıaly telefonyna belgisiz abonentten qońyraý túsken. Telefon shalǵan adam ózin Nur-Sultan qalasynyń polıtsııa qyzmetkeri retinde tanystyrǵan. Ol áıelge alaıaqtardyń qurbany bolýy múmkin ekenin jáne buǵan jol bermeý úshin polıtsııamen birge jumys isteý qajettigin aıtqan», - dedi vedomstvodan.

Budan ári jańa bólimniń jalǵan qyzmetkeri áıeldiń atyna nesıe zańsyz rásimdelýi múmkin ekenin aıtty jáne oǵan jaqyn arada barlyq jaǵdaılardy naqtylaý úshin bankke barýǵa keńes beredi.

«Osylaısha, alaıaqtardyń arbaýyna túsken áıel kelesi kúni «polıtsııanyń» arnaıy operatsııasyna qatysatynyna senip, bankten 800 000 teńge nesıe rásimdeıdi. Keıin ekinshi bankke baryp, taǵy 2 mıllıon nesıe alyp, aqshany qaıtarý úshin «polıtsııanyń» esep-shotyna aýdarady. Sáýirdiń 14 kúni ǵana ol ýchaskelik polıtsııa qyzmetkerimen kezdeskeninde ǵana alaıaqtyń aldaýyna túskenin biledi», -dep tolyqtyrdy vedomstvodan.

Qazirgi kezde osyǵan baılanysty Qylmystyq kodekstiń 190-baby 2-bóligi boıynsha sotqa deıingi tergeý sharalary júrgizilýde.