Aqmolalyq 14 kásiporyn «Qazaqstanda jasalǵan» taýar belgisin qoldanýda
«Otandyq óndiristi damytý maqsatynda Elbasy Nursultan Nazarbaevtyń bastamasymen «Qazaqstanda jasalǵan» jalpyulttyq aktsııasyn qoldaý úshin «Qazaqstanda jasalǵan» taýar óndirýshiler jáne kásipkerler qaýymdastyǵy» zańdy tulǵalar birlestigi qurylǵan bolatyn. Otandyq taýarlardy sáıkestendirý úshin taýar óndirýshiler óz ónimderine «Qazaqstanda jasalǵan» biryńǵaı taýar belgisin qoıady. Bul belgini tegin qoldanady. Biraq ony «Qazaqstanda jasalǵan» taýar óndirýshiler jáne kásipkerler qaýymdastyǵy» zańdy tulǵalar birlestigine múshelikke engender ǵana qoıa alady. Osy rette, atalmysh qaýymdastyqtyń basty mindeti «Qazaqstanda jasalǵan» belgini ımporttyq ónimderge qoldaný sııaqty zańsyzdyqtarǵa jol bermeý», - deıdi Erbol Jaqsylyqov.
Bastapqyda otandyq taýar óndirýshiler ónimniń Qazaqstanda jasalǵanyn bildiretin belgini ruqsatsyz alyp qoldansa, endi belgi taýar óndirýshiler jáne kásipkerler qaýymdastyǵynyń https://atpsk.kz saıtynda tirkelý arqyly júzege asyrylady. Qazirdiń ózinde 196 otandyq kompanııa tirkelgen.
Onyń ishinde Aqmola oblysyndaǵy «KapıtalNatýrProdýkt» JShS, «Tynys» AQ, «Aıbat» JShS, «SAMHAT» aıaqkıim fabrıkasy» JShS, «Arman» toqyma fabrıkasy» JShS, «KAZYNA-SR» JShS, «TNK» agrofırmasy» JShS, «Aqpan 17» JShS, «Et ónimderi» JShS, «QazOrman» JShS, «Turmystyq hımııa zaýyty» JShS, «ENKI» JShS, «Kókshetaý mıneraldy sýlary» AQ, «Rodına» agrofırmasy» JShS, «Janet» JShS bar.
«Aqmola oblysynyń taýar óndirýshileri shyǵarǵan ónimder elimizde jáne shetelde joǵar suranysqa ıe. Astana qalasynda úsh «AQMOL» dúken jelisi jumys isteıdi. Oǵan aqmolalyq 70 taýar óndirýshi óz ónimderi jetkizýde. Jyl sońyna deıin elorda da taǵy 7 dúken ashý jospardy bar», deıdi basqarma basshysy.