Aqmolalyqtardyń 15 mln teńgesin jymqyrǵan alaıaq áıel ustaldy
Aqmola oblysy PD baspasóz qyzmetiniń málimetinshe, Býrabaı aýdandyq PB kezekshi bólimine jergilikti jeti turǵyn aryzben júgingen. Zardap shegýshilerdiń sózinshe, 2023 jyldyń sáýir-qazan aralyǵynda beıtanys áıel olardyń 15 mln teńgeden astam aqshasyn alaıaqtyq jolmen ıemdenip ketken.
«Osyǵan baılanysty Qylmystyq kodekstiń 190-baby «alaıaqtyq» boıynsha sotqa deıingi is qozǵaldy. Jedel-izdestirý is-sharalary barysynda Makınsk qalasynyń 51 jastaǵy turǵyny ustaldy. Kúdikti ýaqytsha ustaý oqshaýlaǵyshyna qamaldy», - dedi vedomstvodan.
Anyqtalǵandaı, alaıaq áıel bank aldynda qarjylyq qıyndyqtarǵa tap bolǵan zardap shegýshilerge nesıe alýǵa kómektesip, onyń teń jartysyn ózi alyp otyrǵan. Artynsha sol alǵan nesıeniń jartysyn bankke ótemeı ketken.
Aıta ketsek, budan buryn krıptovalıýta almaq bolǵan Qosshy turǵyny 2,7 mln teńgesinen aıyrylǵanyn jazǵan edik.