Aqmolalyq polıtseıler pankreatıtpen aýyryp qalǵan qyzdy aýrýhanaǵa jetkizdi
Aumola oblysy PD patrýldik polıtsııa batalonynyń 1 vzvodynyń ınspektorlary Darhan Ámirjanov pen Almat Nurǵalıevke túngi aýysym kezinde Astana – Petropavl avtojolyndaǵy kólikterdiń biriniń jolaýshysy júgindi. Oqıǵa týraly Soltústik Qazaqstan oblysynyń Kellerovka aýylynyń turǵyny Elena Garaja Aqmola oblysy polıtsııa departamenti bastyǵynyń atyna joldaǵan alǵys hatynda baıandady.
Áıeldiń aıtýynsha, 4 shildede keshki ýaqytta ol qyzymen birge Kókshetaý qalasyndaǵy oblystyq aýrýhanaǵa jolǵa shyqqan. Pankreatıtke shaldyqqan 28 jastaǵy qyz ózin ár mınýt saıyn nashar sezingen. Elena Garaja jolda patrýldik kólikti kórgende, qatty aýyrǵandyqtan qyz esinen tana bastaǵan edi. Qyzdyń jaǵdaıy týraly bilgennen keıin polıtsııa ony aýrýhanaǵa óz betinshe aparý týraly sheshim qabyldady.
Tártip saqshylary qyzdy qyzmettik avtokóliktiń artqy oryndyǵyna aýystyryp, maıaktardy qosyp, ony shuǵyl túrde kópsalaly oblystyq aýrýhananyń qabyldaý bólmesine jetkizdi. Onda oǵan qajetti kómek kórsetildi. Qyzdyń densaýlyǵyna qaýip tóndirmeıtinine kóz jetkizgen polıtsııa qyzmetkerleri óz jumysyna oraldy.
– Polıtsııa qyzmetkerleri Darhan Ámirjanov pen Almat Nurǵalıevke kórsetken kómegi úshin, olardyń jaýaptylyǵy, ádeptiligi, jedeldigi úshin shyn júrekten alǵysymdy bildirgim keledi. Osyndaı polıtsııa qyzmetkerleriniń arqasynda kez-kelgen qıyn jaǵdaıda olardyń kómektesetinine senimdi bola alasyz, – dep jazady Elena Garaja hatynda.
Polıtseılerdiń aıtýynsha, jedel sheshim qabyldaý qajet bolǵan jaǵdaılar jıi kezdesedi. Árbir patrýldiń esebinde osyndaı jaǵdaılardyń on shaqtysy bar. Olar birinshi bolyp qana qoımaı, qıyn kezeńde azamattarǵa kómekke keletin jalǵyz adam.