Aqmolalyq oqýshy Kókshetaý qalasynyń tildik portretin zerttedi

<p>KÓKShETAÝ. KAZINFORM - Kókshetaý qalasyndaǵy Abaı atyndaǵy daryndy balalarǵa arnalǵan № 3 oblystyq mamandandyrylǵan mektep-ınternatynyń oqýshysy Álıma Seısen oblys ortalyǵynyń tildik portretin zerttedi.</p>

Aqmola oblysy bilim basqarmasy baspasóz qyzmetiniń málimetinshe, toǵyzynshy synyp oqýshysy atalmysh jobamen óziniń muǵaliminiń jetekshiligimen aınalysqan.

Árbir eldi meken kásiporyndar men dúkenderdiń ataýlarymen sıpattalady. Fırmalar men dúkenderdiń mundaı ataýlary emporonım sanalady.

«Jumys ıdeıasy Kókshetaý qalasynyń tildik portreti, dúken ataýlarynyń róli týraly paıymdaýdan keıin paıda boldy. Óıtkeni bul ataýlar satyp alýshylardyń nazaryn aýdaratyn qalanyń bet-beınesi bolyp tabylady. Zertteý nysany retinde Kókshetaý qalasyndaǵy 333 azyq-túlik dúkeni alyndy», - deıdi joba jetekshisi, orys tili men ádebıeti pániniń muǵalimi Kógershin Jetpisbaeva.

Foto: Aqmola oblysy bilim basqarmasy

Al, oqýshynyń sózinshe, osy taqyrypty zerdeleý barysynda adamdardyń esimderi men tegi kóbinese emporonım rólinde bolatynyna nazar aýdaryldy. Osylaısha, kásipkerler óz dúkenin ataǵan adamǵa degen kózqarastary men súıispenshilikterin kórsetedi. «Ataýly emporonımder» tobyna kiretin 134 ataý anyqtaldy. Shyndyǵynda, dúken ıeleri kóbinese bul ádisti paıdalanatyndary belgili boldy. Alaıda, mundaı ataýlar satyp alýshylar úshin óte yńǵaısyz, óıtkeni dúken týraly, onda ne satylatyny týraly da aqparat bermeıdi. Qazirgi zamanǵa umtylý úshin ıeleri aǵylshyn ataýlaryn paıdalanady, olar da yńǵaısyz, óıtkeni barlyq adamdar aǵylshyn tilin bilmeıdi. Mundaı ataýlardy túsiný jáne oqý qıyn, jáne kóbinese olar satyp alýshyǵa aqparat bermeıtin jarnamalyq fýnktsııany oryndaıdy.

«Qala turǵyndary arasynda júrgizilgen áleýmettik saýalnama nátıjesinde «Small» dúkeninen basqa aǵylshyn ataýlary anyqtalǵan joq. Sonymen qatar bul ádis tıimsiz ekenin kórsetedi. Kásipkerlerdi belgili bir krıterııler boıynsha dúkenderdi ataýǵa mindetteıtin zań joq, biraq ınternettegi ártúrli mamandar men sarapshylar qysqa ataýlardy tańdaýǵa keńes beredi. Qysqa ataýlardy este saqtaý ońaı jáne olar klıentti artyq aqparatpen aýyrlatpaıdy», - dep túsindirdi Álıma Seısen.

Foto: Aqmola oblysy bilim basqarmasy

Bilim basqarmasynan atap ótkendeı, osyǵan deıin Kókshetaý qalasynyń azyq-túlik dúkenderiniń ataýlaryn eshkim zerttemegen jáne bul salada eshqandaı qorytyndy tujyrym jasalmaǵan. Sondyqtan Álıma oblys ortalyǵyn osy salada zerttegen alǵashqy adam. Ol óziniń óziniń zertteý jobasyn ǵylymı jumystar boıynsha baıqaýǵa usynyp, oblystyq kezeńde júldeli ekinshi oryn aldy.

Eske salaıyq, budan buryn Aqmola oblysynda 242 túlek «Altyn belgige» úmitker.