Aqmolalyq muǵalim respýblıkalyq baıqaýda júldeli ІІ orynǵa ıe boldy

<p>Qazaqstan Respýblıkasy Ǵylym jáne joǵary bilim mınıstrligi Til saıasaty komıtetiniń uıymdastyrýymen ótken &laquo;Eń saýatty jarnama &ndash; til abyroı̆y&raquo; atty respýblıkalyq baı̆qaýda Aqmola oblysynyń namysyn qorǵaǵan Kókshetaý qalasynyń №1 mektep-gımnazııasy qazaq tili men ádebıeti pániniń muǵalimi Birjan Qaı̆yr júldeli ІІ oryndy ıelendi, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqmola oblysynyń ishki saıasat basqarmasyna silteme jasap.</p>

Atalǵan baıqaýdyń maqsaty – Qazaqstan halqyn toptastyrýdyń asa mańyzdy faktory retinde memlekettik tildiń keń aýqymdy qoldanysyn qamtamasyz etý, osy baǵyttaǵy jumystardy úılestirýge «Qazaqstan Respýblıkasyndaǵy til týraly» zań talaptarynyń oryndalýyn qadaǵalaýǵa atsalysyp júrgen azamattarǵa qoldaý kórsetý, olardy yntalandyrý.

Foto: Aqmola oblysynyń ishki saıasat basqarmasy

«Memlekettik til – barsha qazaqstandyqtardy toptastyratyn mańyzdy faktor. Sondyqtan elimizdiń árbir azamaty qazaq tilin meńgerip, barlyq salada derektemeler men kórneki aqparattardy resimdeýde zańnama talaptary saqtalýǵa tıis», – deıdi baıqaý jeńimpazy.

Respýblıkalyq baıqaýǵa elimizdiń 14 óńirinen shaǵyn, orta bıznes salasynyń ókilderi jáne jeke azamattar qatysyp, baıqaý shartyna saı aımaqtardaǵy kórneki aqparattaǵy qatelerdi, buzýshylyqtardy anyqtap, ony túzetýge baǵyttalǵan óz jumystaryn usyndy.

Kókshetaýlyq Birjan Bolatuly 100-ge jýyq eńbegin usynyp, júldeli orynnan kórindi.

Foto: Aqmola oblysynyń ishki saıasat basqarmasy

Birjan Qaı̆yr – memlekettik tildegi jarnama mátinin saýatty resimdeý joldaryn nasıhattap júrgen til janashyry.

Aıta keteıik, júldeli orynǵa ıe bolǵan jeńimpazdarǵa uıymdastyrý komıtetiniń arnaıy dıplomdary men aqshalaı syılyqtary tapsyryldy.