Aqmolalyq dıqandardyń kóktemgi egiske daıyndyǵy qalaı

<p>KÓKShETAÝ. KAZINFORM &ndash; Bıyl Aqmola oblysynda 5,4 mıllıon gektar alqapqa dán sebiledi. Qazirgi ýaqytta óńir dıqandary tehnıkalaryn saılap qoıǵan. Tuqym men janar-jaǵar maı máselesin birtindep sheship jatyr. Aqmola oblystyq aýyl sharýashylyǵy jáne jer qatynastary basqarmasy basshysynyń orynbasary Erkesh Álenov Kazinform tilshisine mańyzdy naýqanǵa daıyndyq barysy týraly aıtyp berdi.</p>

– Erkesh Tólegenuly, kóktemgi egistiń jaı-kúıi, mindet pen meje tóńireginde aıtyp ótseńiz?

– Bıyl oblys dıqandary 5,4 mıllıon gektar jerge tuqym sebýdi josparlap otyr, onyń 400 myń gektary maıly daqyldary, 340 myń gektary mal azyǵy. Bul ótken jylmen salystyrǵansha birshama kóp. Sonymen birge, óńirde kartop pen kókónis otyrǵyzylatyn alqaptardy kóbeıtý mejelengenin atap ótken jón. ıAǵnı, 4,7 myń gektarǵa kartop jáne 350 gektarǵa kókónis otyrǵyzylatyn bolady. Aımaqta naýqandy belgilengen kestege saı júrgizý úshin qajetti daıyndyq sharalary qazirden bastalyp ketti.

– Sharýashylyqtar sapaly tuqymmen tolyq qamtamasyz etildi me?

– Óńirde kóktemgi egiske qajetti 536,8 myń tonna tuqym qajet bolsa, qazir onyń 446 myń tonnasy nemese qajetti tuqymnyń 87 paıyzy qolda bar. Qalǵany azyq-túlik korporatsııasy jáne elıtalyq tuqym sharýashylyqtary arqyly satyp alynady. Qazirgi kezde sharýashylyqtar ótinishter berip, kelisimshartqa otyryp jatyr.

– Kóktemgi egiske aýyl sharýashylyǵy tehnıkalarynyń daıyndyǵy qalaı?

– Jumys kestesine sáıkes oblysta 20 jumys kúni ishinde dándi daqyldardy egý josparlanǵan. Bıyl tuqym sebý naýqanyna 15 myńnan astam traktor, 16 myńnan astam astyq sepkish jáne 1,5 ónimdiligi joǵary egis kesheni jumyldyrylady. Qazirgi kezde óńirde kóktemgi dala jumystaryn júrgizý úshin qajetti aýyl sharýashylyǵy tehnıkalarynyń 90 paıyzdan astamy daıyn. Sharýashylyqtar jańa aýyl sharýashylyǵy tehnıkalar satyp alyp, mashına-traktor parkin jańartyp jatyr. Zamanaýı tehnıkany qoldaný egis sapasyn qamtamasyz etýge, aýyl sharýashylyǵy óndirisine naqtyly eginshilik elementterin engizýge jáne jańǵyrtý úshin negiz jasaýǵa múmkindik beredi.

– Aýyl sharýashylyǵy qurylymdaryn janar-jaǵarmaımen qamtamasyz etý máselesi qalaı sheshilýde?

– Búgingi tańda sharýashylyqtardy janar-jaǵar maımen qamtamasyz etý máselesi jiti nazarda. Oblysqa kóktemgi egis úshin 82,5 myń tonna janar-jaǵar maı bólindi, onyń 1 lıtri 250 teńge turady, ıaǵnı byltyrǵy jylǵy shamadaı. Qazirgi kezde, 17 jetkizip berýshi operator anyqtalyp otyr. Jalpy, bıyl qardyń jyldaǵydan kóp túsýin jáne búgingi erigen qar sýynyń mol bolýyn aqmolalyq sharýalar jaqsy yrymǵa balap otyr. «Kóktemniń bir kúni jylǵa azyq» degen qaǵıdany esterine myqtap ustap, kóktemgi dala jumystaryna tyńǵylyqty ázirlikpen kelýdi maqsat tutýda.

– Cuqbatyńyzǵa rahmet!

Eske salaıyq, ótken jyldyń kúzinde aqmolalyq dıqandar 3 mıllıon tonadan astam astyq jınady.