Aqmolaǵa ońtústik óńirden marıhýananyń iri partııasyn jetkizýshi ustaldy

ASTANA. QazAqparat – Aqmola oblysy Arshaly aýdany Jibek Joly kentiniń ótkizý termınalynda arnaıy operatsııa júrgizildi. Bul týraly QazAqparat POLISIA.KZ telegram kanalyna silteme jasap habarlaıdy.

Esirtki qylmysyna qarsy is-qımyl basqarmasy qyzmetkerleriniń aqparaty boıynsha, elordanyń 43 jastaǵy turǵyny biraz ýaqyttan beri Aqmola óńiriniń aýmaǵyna esirtki zattaryn jetkizýmen aınalysqan. Ony rastaý úshin jedel ýákilder aldyn ala birqatar arnaıy is-sharalar ótkizdi, sonymen qatar shıkizatty dılerdiń respýblıkanyń ońtústik aımaǵynan ákelgenin anyqtady.

Kúdikti jolaýshy retinde otyrǵan Chevrolet Cobalt avtokóligin tintý kezinde polıtseıler salon ishinen, oryndyqtardyń astynan eki polıetılen oramasyn tapty. Onyń ishinde taǵy úsh polıetılen jáne tórt qaǵaz oramasy boldy. Marıhýananyń jalpy salmaǵy 1,5 keliden asady. Qyzmettik ıtter esirtkiniń ıisin sezbesin dep, kúdikti marıhýana paketterine qyshqyl maıonez jaǵyp qoıǵany belgili boldy.

Bul fakt QR QK-niń 296-baby 4-bóligi boıynsha tirkeldi. Tergep-tekserý kezinde elordalyq turǵyn qamaýǵa alyndy.