Aqmolada júzden asa mektepte sanıtarlyq talaptar saqtalmaǵany úshin 120 adam jaýapqa tartyldy
Oblystyq prokýratýranyń málimetinshe, óńirdiń prokýratýra organdary jalpy bilim beretin mektepterdiń sabaqtar men aýysymdar arasyndaǵy úzilister kezinde sanıtarııalyq qaǵıdalardyń saqtaýlyna taldaý júrgizdi. Onyń qorytyndysy boıynsha oblys mektepteriniń ákimshilikteri demalys ýaqytyn aıtarlyqtaı qysqartqan, sabaqtar arasyndaǵy úzilis kezinde demalys uzaqtyǵy boıynsha sanıtarlyq normalardy buzýǵa jol bergen.
Sondaı-aq oqý kabınetterin tazalaý jáne aýany tazartý úshin joǵary jáne tómengi synyp oqýshylarynyń aýysymdary arasyndaǵy úzilis uzaqtyǵyn saqtamalmaǵan. Budan basqa, birinshi synyp oqýshylary úshin oqý sabaqtary rejıminiń sáıkessizdigi anyqtaldy.
«Oblystyń 37 myńnan astam oqýshysy bilim alyp jatqan, 135 mektepte sanıtarlyq talaptardyń saqtalmaýyna jol berilgen. Taldaý qorytyndysy boıynsha prokýrorlyq qadaǵalaý aktileri engizilip, 120 laýazymdy tulǵa tártiptik jazaǵa tartyldy, kórsetilgen saladaǵy anyqtalǵan zań buzýshylyqtar joıyldy», - dedi vedomstvodan.
Aıta ketsek, Aqmolada 10 jasar balany zorlaǵan jasóspirimder isi tergelip jatyr.