Aqmolada «Zhasproject» jastar korpýsyn damytý jobasy bastaldy
Jobanyń múmkindikteri týraly óńirlik kommýnıkatsııalar qyzmetinde ótken brıfıngte Aqmola oblystyq ishki saıasat basqarmasynyń basshysy Gúljanar Shókeeva men «Zhasproject» jastardy damytý jobasyn úılestirý agenttigi basshysynyń orynbasary Alena Baıanbekova aıtyp berdi.
Alena Baıanbekovanyń aıtýynsha, «Zhasproject» jastar korpýsyn damytý - Dúnıejúzilik banktiń jáne Bilim jáne ǵylym mınıstrliginiń birlesken jobasy. Úılestirý agenttigi 2017 jyly qanatqaqty joba retinde Qaraǵandy, Pavlodar, Ońtústik Qazaqstan jáne Almaty oblystarynda qolǵa alyp, ótken jyly oǵan Aqtóbe, Qyzylorda, Qostanaı, Jambyl, Soltústik Qazaqstan jáne Shyǵys Qazaqstan oblystary qosyldy. Joba qolǵa alynǵan eki jyldyń ishinde oǵan 5508 jas tartylyp, olardyń tarapynan 1616 joba usynyldy. Qazirgi tańda usynylǵan jobalardyń 1493-i sátti júzege asyryldy. Jobaǵa bólingen granttardyń jalpy somasy 1,5 mıllıard teńge, qatysýshylarǵa 1 mıllıard teńge stıpendııa tólendi.
Joba 2020 jylǵa deıin jalǵasatyn bolady. Bıyl bul joba Astana men Almaty qalalarynda jáne Atyraý, Mańǵystaý, Aqmola oblystarynda bastaý alady. Qatysýshylarǵa qoıylatyn negizgi talaptarǵa toqtalar bolsaq, jastary 14-29 jas aralyǵyndaǵy jáne sol joba júzege asyrylatyn aımaqta turýlary qajet.
«Elbasymyz udaıy jastarǵa erekshe kóńil bólip, óziniń basty nazarynda ustap keledi. Qazirgi tańda qaı salany alsańyz da jastarǵa múmkindikter men jaǵdaılar jasalýda. Bıyl Jastar jylynyń jarııalanýy da sonyń aıǵaǵy ispettes. Bizdiń oblys turǵyndarynyń 150 myńǵa jýyǵy nemese 20 paıyzy - jastar. Sondyqtan, bizderge jastarymyzdyń óz kásibin ashyp, paıdaly istermen aınalysqany mańyzdy. Osy baǵytta oblysymyzda jumyssyz jastardyń óziniń kásibin ashyp, sharýasyn júrgizýine, qoǵamnyń máselelerin sheshýge atsalysýyna barlyq jaǵdaı jasalyp otyr. Bul jolǵy óte qyzyqty ári teńdesiz «Zhasproject» jastar korpýsyn damytý jobasy aqmolalyq jastardyń kóńilinen shyǵady dep oılaımyn»,- deıdi oblystyq ishki saıasat basqarmasynyń basshysy Gúljanar Shókeeva.
Brıfıngte sóz bolǵandaı, «Zhasproject» jastar korpýsyn damytý jobasy sheńberinde júzege asyrylatyn ár joba tek jastardyń ózine ǵana emes, olar ómir súretin qoǵam úshin mańyzdylyǵymen erekshelenedi. Jalpy, bıylǵy jyly jobaǵa barlyǵy 3,5 myńǵa jýyq adam qatysady dep josparlanyp otyr.