Aqmolada túzetý mekemesiniń qyzmetkerleri jazasyn óteýshilerdi bopsalaǵan
Vedomstvonyń málimetinshe, Aqmola oblysy boıynsha jemqorlyqqa qarsy is-qımyl departamentiniń basshysy Murat Tóleýbaev jemqorlyqqa qylmysty aldyn alý jáne eskertý boıynsha Aqmola oblystyq qylmystyq-atqarý júıesin júıesi departamentiniń jeke quramymen jáne túzetý mekemesiniń basshylyǵymen kezdesý ótkizdi.
Kezdesýde túzetý mekemesiniń qyzmetkerleri arasynda jemqorlyq, sondaı-aq, sottalǵan adamdarǵa qatysty azaptaý sııaqty zańsyz qylyqtardy aldyn alý máseleleri qaraldy. Murat Tóleýbaevtyń sózinshe, atalmysh salada jemqorlyqtyń qaýipi joǵary bolyp qalýda.
«Túzetý mekemesindegi laýazymdy qyzmetkerlerdiń sottalǵandarmen qyzmetine saı kelmeıtin qatynas jasaǵany, ıaǵnı, syıaqy retinde uıaly telefon baılanysyna belgili bir somada birlik salý oqıǵasy anyqtaldy. Sonymen qatar, probatsııalyq baqylaý salasynda da jemqorlyq táýekel máselesi túıitkildi bolyp otyr. Bul eskertý jumystaryń álsiz ekendigin bildiredi», - deıdi Murat Tóleýbaev.
Jemqorlyqqa qarsy qyzmettiń tergeý basqarmasynyń basshysy Rýslan Turǵambekov Aqmola oblysynda sottalǵandar tarapynan azaptaý jáne quqyqtary buzylǵandyǵy týraly aryz-shaǵymdary kóbeıgeni baıqalady.
Kezdesý barysynda sottalǵandardy uryp soǵyp, kúsh qoldaný, alaıaqtyq jol arqyly aqshalaı qarajatyn tartyp alyp, sottalǵandarmen qyzmetine saı kelmeıtin qatynas jasaǵan túzetý mekemesiniń laýazymdy tulǵalarǵa qatysty qylmystyq is sheńberinde QR QPK 200-baby boıynsha usynystar qaraldy.
Qylmystyq-atqarý júıesi basshylyǵyna kúshtep moıyndatý, sondaı-aq, tergeýge qatysty zardap shegýshiler, kýágerler, olardyń otbasy men týystarynyń sońyna túsý jáne qorqytýdan qorǵaý sharalaryn júrgizýde quqyqbuzýshylyqqa jol bergen qyzmetkerlerdi ákimshilik, qylmystyq - protsessýaldyq shettetý sharasyn qoldanǵanda durys sheshim qabyldaý usynylǵan.
«Búgingi tańda qyzmettik shara tıisinshe qoldanylmaı keledi. Sol sebepti, quqyqbuzýshylyq oryn alýda. Ásirese, aryzdardyń kóbi Atbasar qalasyndaǵy ETs-166/4 qatysty (47 shaǵym), Stepnogor qalasyndaǵy ETs-166/18 qatysty (32 shaǵym) tústi», deıdi R.Turǵambekov.
Kezdesýdi qorytyndylaǵan Murat Tóleýbaev túzetý mekemesi qyzmetkerleriniń zańsyz árketine qatysty azamattar men sottalǵandar tarapynan túsken aryz-shaǵymdardy qaraý jumystaryn uıymdastyrýdy qaıta qaraý, jeke quramy arasynda quqyqbuzýshylyqty anyqtap qana qoımaı, onyń sebepterin anyqtaýdy usyndy.