Aqmolada tún jarymynda kóshe kezgen 76 bala ustaldy, bir jasóspirimnen pyshaq tabyldy

KÓKShETAÝ. QazAqparat - Aqmola oblysynda «Túngi qaladaǵy balalar» reıdi barysynda jasóspirimnen pyshaq tárkilenip, túngi ýaqytta úıden tys jerde júrgen 70-ten astam jasóspirim tabyldy, dep habarlaıdy QazAqparat.

Jergilikti polıtsııa qyzmeti basqarmasynyń habarlaýynsha, reıdtiń birinshi kúni ıývenaldy polıtsııa qyzmetkerleri ákimshilik quqyq buzýshylyq jasaǵan 83 balany anyqtady, onyń 76-sy túngi ýaqytta kóshede júrgen.

17 shilde saǵat 16.00 shamasynda patrýldeý barysynda 2006 jyly týǵan Bulandy aýdanynyń kámeletke tolmaǵan turǵynynan polıtsııa qyzmetkerleri pyshaq taýyp, tárkiledi.

Saraptama taǵaıyndaldy, onyń nátıjesi boıynsha protsessýaldyq sheshim qabyldanady.

Sonymen qatar úsh jasóspirim usaq buzaqylyq jasaǵany úshin jáne úsh kámeletke tolmaǵan ishimdik ishkeni úshin polıtsııaǵa jetkizildi.