Aqmolada týǵan kún toılanyp jatqan úıden órt shyǵyp, úsh adam kóz jumdy
Búgin, 1 naýryzda Bulandy aýdanynyń Kýpchanovka aýylynda 81 sharshy metr jeke turǵyn úıde órt shyqty.
Órt sóndirý bólimshesi kelgen ýaqytta úı tolyǵymen otqa oranǵan.
Oqıǵa ornynan 1976 jáne 1987 jyly týǵan eki áıel men 1994 jyly týǵan er adamnyń máıiti tabyldy.
Bir adam terezeni syndyryp shyǵyp aman qalǵan jáne órt sóndirýshilerdi shaqyrǵan.
«Aldyn ala aqparat boıynsha, úı ıesi 1976 jyly týǵan áıel otbasylyq merekede, dostarynyń arasynda ulynyń kámeletke tolǵanyn atap ótpek bolǵan. Keıin órt kezinde kelgen qonaqtar úı ıesimen birge qaza tapqan», – dedi Aqmola oblysy TJD memlekettik-órt baqylaý basqarmasynyń bastyǵy Dýman Daleshov.
Órt 03.10 kezinde aýyzdyqtalyp, 04.55-te tolyq sóndirildi.
Tilsiz jaýdyń sebebi anyqtalyp jatyr. Sot-medıtsınalyq saraptama taǵaıyndaldy.
Oqıǵa ornyna TJD 11 qyzmetkeri men 3 tehnıka shyqty.
Aqmola oblysynyń tótenshe jaǵdaılar departamenti oblys turǵyndary men qonaqtaryna órt qaýipsizdigi sharalaryn saqtaý qajettigin eskertedi.