Aqmolada sanıtarlyq normaǵa saı kelmeıtin tamaq óniminiń 79% - ımport taýarlary

KÓKShETAÝ. QazAqparat – Aqmola oblysynda kýlınarlyq ónimder sanıtarlyq normalarǵa sáıkes kelmeıdi. Bul týraly óńirdiń bas memlekettik sanıtar dárigeri Aınagúl Mýsına málim etti, dep habarlaıdy QazAqparat tilshisi.

Onyń aıtýynsha, Aqmola oblysynyń sanıtarlyq-epıdemıologııalyq baqylaý departamenti ónimniń qaýipsizdigine monıtorıng júrgizip jatyr.

«Bıylǵy bes aıda 1553 synama alyndy, onyń ishinde 117 synama nemese 7,5 paıyzy sanıtarlyq normaǵa sáıkes kelmedi. Naqtyraq aıtsaq, tamaq ónimderi – 66 (7,2%), azyq - túlik emes ónimder - 51 (8%). Sáıkes kelmeıtin tamaq ónimderiniń arasynda aspazdyq ónimder – 40 paıyz, et ónimderi - 14,8 paıyzy, qus ónimderi – 13 paıyzy, balyq ónimderi - 11,3 paıyzy, jarma ónimderi-7,1 paıyzy, sút ónimderi-6,5 paıyzdy qurady», - dedi A.Mýsına.

Óńirdiń bas memlekettik sanıtar dárigeri atap ótkendeı, oblystyń ishki naryǵynda aınalysta júrgen, sanıtarlyq normaǵa sáıkes kelmeıtin ónimniń 79,6 paıyzy - ımport taýarlary úlesinde.

Al otandyq óndirýshilerdiń ónimi 20,4 paıyzdy qurady.

«Kásipkerlik sýbektilerine qatysty anyqtalǵan zańbuzýshylyq derekteri boıynsha sanıtarlyq nusqama beriledi. Jyl basynan beri 63 uıǵarym shyǵarylyp, eki ákimshilik materıal jasaldy jáne jalpy somasy 352 245 teńgege eki aıyppul salyndy», - dep tolyqtyrdy A.Mýsına.