Aqmolada iri qara mal tuqymdary baıqaýynyń jeńimpazy anyqtaldy

<p>ASTANA. KAZINFORM &ndash; Qazaqstanda etti iri qara mal tuqymdary arasynda Ulttyq konkýrstyń jeńimpazy anyqtaldy jáne oǵan jarystyń bas júldesi &ndash; jańa traktor tartý etildi.</p>

Malshylar arasyndaǵy konkýrs «Jańa Dala / Green Day ‘2024» Dala kúni aıasynda ótti. Halyqaralyq qazylar alqasynyń sheshimimen «Jańa Dala / Green Day ‘2024» «Eń kúshti buqa» nomınatsııasynda Qazaq Aqbas qazaqtyń aqbas tuqymynyń respýblıkalyq tuqymyn kópshilikke usynǵan Abaı oblysyndaǵy «Dáýren» sharýa qojalyǵynyń Shombal atty buqasy júlde ıegeri boldy. Shombaldyń salmaǵy 598 kg, týǵan kezdegi salmaǵy 26 kg bolǵan.

Absolıýttik chempıon atanǵan Shombal buqasyn sol jerde aýktsıonda Soltústik Qazaqstan oblysy Aqjar aýdany sharýashylyqtarynyń biri 1 mln teńgege satyp aldy. 

Foto: «Jańa Dala / Green Day ‘2024» aqparattyq ortalyǵy

Sonymen birge, Aqmola oblysynyń «KazBeef» JShS sharýashylyǵynan Angýs Qazaqstan tuqymynan «Stevenson» atty buqa vıtse-chempıon atanyp, 1-oryn ıegeri boldy. Gereford tuqymynan Qostanaı oblysynyń «Olja Arystan PK» sharýashylyǵynan «Stılnyı» atty buqa 2-oryn ıelendi. 3-oryndy qazylar alqasy Áýlıekól tuqymynan Qostanaı oblysy Moskalevskoe JShS sharýashylyǵynan «Topol» atty buqaǵa berdi.

Konkýrsqa Áýlıekól tuqymynyń, Qazaq Aqbas qazaqtyń aqbas tuqymynyń, Qazaqstannyń Angýs tuqymynyń, Gereford tuqymynyń 56 buqasy qatysty. Konkýrs kórsetimine Qalmaq tuqymynyń, sondaı-aq Sharole, Lımýzın, Obrak tuqymdarynyń buqalary qatysqan.

Jeńimpazdardy Qazaqstannan, Irlandııadan, Shotlandııadan jáne AQSh-tan kelgen qazylar alqasynyń bedeldi quramy – jyldar boıy iri qara mal ósirýmen aınalysatyn halyqaralyq sarapshylar tańdady.

Sondaı-aq, «Jańa Dala / Green Day ‘2024» Dala kúninde Edilbaı tuqymynyń ár túrli jynys-jas toptarynyń asyltuqymdy qoılary jáne Pavlodar oblysynyń «AGRO TAWA» JShS-nen ımporttyq etti dorper tuqymdarynyń qoshqarlary, Aqmola oblysynyń «Sýleımenov K» ShQ dorper, Sýffolk, Sharole qoılary usynyldy. Asyl tuqymdy qoılar kórmesine Aqmola, Soltústik Qazaqstan, Qaraǵandy jáne Pavlodar oblysynan ShQ qatysty. Kórme barysynda Edilbaı tuqymynyń asyl tuqymdy qoılarynyń aýktsıony, qoshqar kóterý, jilik syndyrý sııaqty ulttyq oıyndar ótti. Qoı sharýashylyǵyna arnalǵan jabdyqtar men veterınarııalyq preparattar, sondaı aq qoıshy ıtterdiń jumysy usynyldy.

«Jańa Dala / Green Day» mamandandyrylǵan kórsetim-kórmesi – 2013 jyldan beri ótkizilip kele jatqan dástúrli Dala kúni formatyndaǵy is-shara. Kórme zamanaýı aýyl sharýashylyǵy tehnologııalarynyń, selektsııalyq jetistikterdiń, joǵary ónimdi tehnıkanyń, sondaı-aq mal sharýashylyǵy, veterınarııa, ósimdikterdi qorǵaý jáne organıkalyq eginshilik salasyndaǵy ınnovatsııalyq ázirlemelerdiń respýblıkadaǵy eń iri kórsetim alańy sanalady.