Aqmolada polıtseıler esirtki kýrerin qolǵa túsirdi

<p>Aqmola oblysynyń polıtseıleri Kókshetaý &ndash; Qostanaı aınalma jolynda esirtki kýrerin qolǵa túsirdi. &nbsp;<a href="https://kaz.inform.kz/" target="_blank" rel="noopener">Kazinform</a> bul týraly <a href="https://polisia.kz/" target="_blank" rel="noopener">Polisia.kz</a>-ke silteme jasap habarlaıdy.&nbsp;</p>

Esirtki qylmysyna qarsy is-qımyl basqarmasynyń qyzmetkerleri arnaıy operatsııa nátıjesinde a-PvP psıhotroptyq zatynyń taralýyn toqtatty. Esirtkini jasyryn salýshy júrip kele jatqan avtokólik Kókshetaý – Qostanaı aınalma jolynda toqtatyldy. Jeke tintý kezinde jedel qyzmetkerler 38 jastaǵy júrgizýshiden salmaǵy 111 gr-dan asatyn sıntetıkalyq esirtki paketin tárkiledi.

Atalǵan esirtki zaty 300 dozaǵa jýyq, qara naryqtaǵy quny – 2,5 mln teńge. Avtokólik salonynda polıtseıler esirtkini jasyryn salýǵa arnalǵan elektrondy tarazylar, qapsyrmalary bar sómkeler jáne taspa tapty.

Er adamnyń elordada turatyny anyqtaldy jáne ustalýdan birneshe kún buryn mobıldi qosymsha arqyly esirtki kýreri bolyp jumysqa ornalasty.

Kýratordan alynǵan nusqaýlyqqa sáıkes, ol jasyryn salatyn esirkini Kókshetaý aýmaǵynda taratýǵa tıis bolatyn. Osy maqsatta ol Aqmola óńiriniń oblystyq ortalyǵyna keldi.

«Bul faktini polıtseıler QR QK-niń 296-baby 4-bóligi (Esirtki, psıhotroptyq zattarmen, sol tektestermen ótkizý maqsatynsyz zańsyz jumys) boıynsha sotqa deıingi tergep-tekserýdiń biryńǵaı tiziliminde tirkedi. Jábirlenýshi ustaldy jáne ýaqytsha ustaý ızolıatorynda», - delingen habarlamada.

Aıta ketý kerek, 2023 jyly Aqmola oblysynyń esirtkige qarsy polıtseıleri zańsyz aınalymnan 17 keliden astam sıntetıkalyq esirtki tárkilegen.