Aqmolada bir-birine soǵylǵan 15 kóliktiń apaty tergelip jatyr
15:00, 03 Qańtar 2024
<p>Aqmola oblysy aýmaǵynda «Astana-Petropavl» tasjolynda bolǵan jol apatynan úsh adam zardap shekti, polıtsııa oqıǵanyń mán-jaıyn anyqtap jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>
Oblystyq PD baspasóz qyzmetiniń málimetinshe, jol-kólik oqıǵasy 2 qańtarda «Astana — Petropavl» tasjolynyń 216-shaqyrymynda bolǵan.
Bul týraly sol kúni saǵat 15:53 shamasynda Býrabaı aýdandyq PB telefon habary túsken.
— Jol-kólik oqıǵasynan jolaýshylar — 37 jastaǵy er adam, 33 jastaǵy áıel jáne 9 jastaǵy bala túrli dene jaraqatymen Bulandy aýdandyq ortalyq aýrýhanasyna jetkizildi. Sonymen birge, Mitsubishi avtokóliginiń júrgizýshisi Astana qalasynyń 69 jastaǵy turǵyny men Suzuki Vitara avtokóliginiń 34 jastaǵy júrgizýshisine qatysty Ákimshilik quqyq buzý kodeksiniń 610-baby boıynsha ákimshilik hattama toltyryldy, — dedi vedomstvodan.
Aıta ketsek, budan buryn «Astana — Petropavl» tasjolynda birneshe kólik soqtyǵysqanyn jazǵan edik.