Aqmolada bıyl eńbek zańnamasy 430 ret buzylǵan
Keńeste baıandama jasaǵan Aqmola oblysy boıynsha Eńbek ınspektsııasy jónindegi basqarma basshysy Berik Mustafınnyń málimeti boıynsha, 2018 jyly eńbek zańnamasynyń 430 ret buzylǵany anyqtalǵan, búgingi tańda onyń barlyǵy joıylǵan. Aýla boıynsha júrgizilgen saýalnama boıynsha 6 myńnan astam azamattyń zeınetkerlik aýdarymdarsyz jumys isteıtini anyqtaldy. Óndiristik jaraqattaný faktileri boıynsha 54 qaıǵyly oqıǵaǵa baılanysty tekseris júrgizildi.
«Aǵymdaǵy jyldyń basynan beri eńbek zańnamasyna qatysty ózekti máselelerdi talqylaý boıynsha daǵdarysqa qarsy shtabtyń 2 otyrysy, 79 semınar, 7 dıalogtyq alań ótkizildi.
«Osy másele boıynsha óńir basshysy aýdandar men qalalardyń ákimderine jeke tulǵalardy beıresmı eńbek qatynastaryna tartý boıynsha keń aýqymdy jumys júrgizýdi, eńbek ınspektsııasy jónindegi basqarmamen birlesip, kásiporyndarda eńbek qaýipsizdi men ony qorǵaý jónindegi standarttardy engizý jumysyn júrgizýdi tapsyrdy», dedi Berik Mustafın.
Kún tártibindegi ekinshi másele óńirdiń áleýmettik obektilerinde 25 qyrkúıekte bastalǵan jylý berý maýsymynyń barysy týraly energetıka jáne turǵyn úı-kommýnaldyq sharýashylyq basqarmasy basshysynyń mindetin atqarýshy Tımýr Hamzın baıandamasy tyńdaldy.
«Esil qalasynda «Nurly jol» baǵdarlamasy boıynsha salynǵan jańa qazandyq iske qosyldy. Ol jylý energııasymen 152 obektini qamtamasyz etedi, kelesi jylý berý maýsymynda qosymsha 210 obekt qosylatyn bolady. Sondaı-aq, «Nurly jol» baǵdarlamasy boıynsha Shańtóbe kentinde de qazandyq salyndy, ol jylýmen jabdyqtaýmen 88 kóp páterli turǵyn úılerdi jáne 20 kásiporyndy qamtıdy. Sonymen qatar, Astrahan aýdanynyń Jaltyr aýylynda rekonstrýktsııalaýdan keıin qazandyq iske qosyldy, ol tutastaı alǵanda atalǵan eldi mekendi jylýmen jabdyqtaý sapasyn jaqsartty», dedi basqarma basshysy.
Keńeste óńir basshysy Málik Myrzalın aýdandar men qalalardyń ákimderine, sondaı-aq bilim, densaýlyq saqtaý, áleýmettik qorǵaý jáne mádenıet basqarmalarynyń basshylaryna jylý berý maýsymynyń turaqty ótkizilýin qamtamasyz etýdi tapsyrdy.
Aıta keteıik, búgin ótken apparat keńesinde aımaq basshysy M.Myrzalın jınalǵandarǵa Aqmola oblysy ákiminiń apparat basshysy bolyp taǵaıyndalǵan Talǵat Bóltenovty tanystyrdy.