Aqmolada aýdan ákiminiń orynbasary para aldy degen kúdikpen ustaldy
14:41, 19 Naýryz 2020
NUR-SULTAN. QazAqparat - Nur-Sultan qalasynyń Sybaılas jemqorlyqqa qarsy qyzmeti Aqmola oblysynyń aýdan ákiminiń orynbasaryna qatysty sybaılas jemqorlyq qylmysy boıynsha sotqa deıingi tergeýdi bastady, dep habarlaıdy QazAqparat tilshisi.
«Ol oryndalǵan jumys aktilerine qol qoıǵany men jalpy qamqorlyǵy úshin 600 myń teńge somasynda para aldy degen kúdikke ilindi. Tergeý jalǵasýda», - dedi QR Sybaılas jemqorlyqqa qarsy is-qımyl agenttigi 1-shi departamentiniń aǵa tergeýshisi Danııar Bıgaıdarov agenttikte onlaın rejimde ótken baspasóz máslıhatynda.
Kúdiktige qatysty túpkilikti sheshimdi sot qabyldaıdy.
Danııar Bıgaıdarov ózge aqparat tergeý múddesine baılanysty jarııalanbaıtynyn málim etti.