Aqmolada ata-anasynan kóz jazyp qalǵan bir jasar sábı sýǵa batyp kete jazdady

KÓKShETAÝ. QazAqparat - Aqmola oblysynda sýǵa batyp bara jatqan 1 jasar bala qutqaryldy, dep habarlaıdy QazAqparat tilshisi.

Aqmola oblysy TJD baspasóz qyzmetiniń málimetinshe, keleńsiz jaǵdaı Zerendi kólindegi «Lagýna» demalys aımaǵynda bolǵan.

Jaǵalaýdy patrýldeý kezinde qutqarýshylar sýdan kishkentaı balany baıqap qalady.

«Qutqarýshylar jetkenshe, demalýshylardyń biri -áıel adam balaǵa kómekke umtyldy. Keıin qutqarýshylar balany jaǵaǵa shyǵaryp, alǵashqy medıtsınalyq kómek kórsetti jáne jedel járdem brıgadasyna tapsyrdy. Belgili bolǵandaı, ata-anasy kóz jazyp qalǵan bala jaǵalaýda sýǵa qulap ketken», - dedi vedomstvodan.

Osy rette Aqmola oblysynyń TJD qyzmetkerleri balalardy qaraýsyz qaldyrmaýdy suraıdy.

Aıta ketsek, budan buryn Zerendi kólinde 32 jastaǵy er adam sýǵa batyp ketkenin jazǵan edik.