Aqmolada áskerı qyzmetshilerdiń tóbeleskeni ras pa

<p>ASTANA. KAZINFORM &mdash; Oqıǵa Aqmola garnızonynyń áskerı bólimderiniń birinde bolǵan.</p>

Osydan birer kún buryn jelide Qorǵanys mınıstrligi qurlyq áskerleriniń 32039 bóliginiń ofıtserleri turǵyndarmen tóbelesti degen vıdeo tarady.

Beınejazbadan beımálim adamdardyń bylapyt sózder aıtyp jatqanyn jáne qatysýshylardyń biriniń basy qanaǵanyn baıqaýǵa bolady.

Odan bólek, bir adam vıdeoǵa túsirip tur.

Kazinform agenttiginiń tilshisi istiń mán-jaıyn bilý úshin Qorǵanys mınıstrligine habarlasqan edi.

«Qurlyq áskerleri ofıtserleriniń turǵyndarmen jáne polıtsııa qyzmetkerlerimen tóbelesi týraly aqparat shyndyqqa janaspaıdy. Beınejazbadaǵy adamdar áskerı qyzmetker emes jáne qarýly kúshterge qatysy joq. Mán-jaıdy anyqtaý barysynda Aqmola garnızony áskerı bólimderiniń biriniń áskerı qyzmetshisiniń aǵasy jáne dosy men turǵyndar arasynda janjal bolǵany anyqtaldy» delingen túsiniktemede.

Osy oraıda atalǵan vedomstvo jalǵan aqparat taratpaýdy jáne tek resmı derekke senýdi surap otyr.