Aqmolada Ámirjan Qosanovty qoldaýǵa arnalǵan «dóńgelek ústel» ótti

NUR-SULTAN. QazAqparat - Aqmola oblysynda QR Prezıdenttigine úmitker Ámirjan Qosanovty qoldaýǵa arnalǵan «dóńgelek ústel» ótti, dep habarlaıdy QazAqparat kandıdattyń baspasóz qyzmetine silteme jasap.

Stepnogor qalasyndaǵy mádenıet saraıynda úmitkerdiń oblystyq shtabynyń músheleri jáne senimdi ókilderi el aldynda sóz sóılep, saılaýaldy platformasyn tanystyrdy.

Jıynǵa 40-qa jýyq adam qatysty. Kezdesý moderatorlyǵyn oblystyq saılaýaldy shtabtyń basshysy Darhan Shógshir atqardy. Kezdesý barysynda platformanyń negizgi baǵyttary talqylanyp, qoǵam belsendileri, bilim berý salasynyń qyzmetkerleri, jastar men qarapaıym turǵyndar óz pikirlerin ortaǵa saldy. Atap aıtqanda, qatysýshylar halyqty rýhanı turǵyda órkendetý týraly tarmaqtardy atap ótti.

Pikirlesý barysynda qatysýshylar ózekti suraqtaryna shtab músheleri men senimdi ókilder tarapynan jaýap aldy. Kezdesý sońynda qatysýshylar estelik sýretke tústi.