Aqmolada alıment tólemeı qashyp júrgen 28 adamǵa qylmystyq is qozǵaldy

<p>Aqmola prokýratýrasy Qylmystyq kodekstiń 139-baby boıynsha alıment tólemeıtinderdi qylmystyq jaýapkershilikke tartyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Bıyl júrgizilgen jumystyń nátıjesinde prokýratýra alıment tólemeı júrgen 28 boryshkerge qatysty qylmystyq isti tirkedi.

Onyń ishinde 8 boryshkerge úkim shyqty.

Búgingi tańda sotqa deıingi tergeý organdarynyń óndirisinde taǵy 5 qylmystyq is bar.

Sonymen qatar Ákimshilik quqyq buzý týraly kodekstiń 669-baby boıynsha alıment óndirip alý týraly sot sheshimin oryndamaǵany úshin 100-den astam boryshker  ákimshilik jaýapqa tartyldy.

Bıyl Aqmola oblysy prokýratýrasy 600 mln tengeden astam alıment qaryzynyń ótelýine sep boldy. 

Bul baǵyttaǵy jumys jalǵasyp jatyr.