Aqmolada alǵashqy medıtsınalyq-sanıtarlyq kómek kórsetetin 38 nysan salynady
Oblystyq densaýlyq saqtaý basqarmasynyń málimetinshe, búgingi tańda óńirdiń aýyldyq eldi mekenderinde 543 medıtsınalyq kómek kórsetiledi.
Shalǵaı jatqan aýyldarda medıtsınalyq kómektiń qoljetimdiligin qamtamasyz etý úshin jyljymaly medıtsınalyq keshender paıdalanylady.
Aqmola oblysynda osyndaı 11 keshen jumys isteıdi, olar 2022 jyly 255 eldi mekendi qamtydy, medıtsınalyq tekserýmen 57 myńǵa jýyq adam qamtyldy, onyń ishinde 2 myń adamda aýrý anyqtaldy, bul tekserilgen aýyl turǵyndarynyń 3,4 paıyzyn quraıdy.
Memleket basshysy Qasym-Jomart Toqaevtyń tikeleı tapsyrmasyna sáıkes elimizde «aýyldyq densaýlyq saqtaýdy jańǵyrtý» pılottyq jobasyn ázirledi.
Óńirlerdiń ákimdikterimen birlesip 655 medıtsınalyq-sanıtarlyq alǵashqy kómek kórsetetin nysanyn salý boıynsha daıyndyq jumystary bastaldy.
Osy rette Aqmola oblysynyń aýyldarynda 38 MSAK nysanyn (14 dárigerlik ambýlatorııa, 21 feldsherlik-akýsherlik pýnkt, úsh medıtsınalyq pýnkt) salý josparlanǵan.
«Onyń ishinde Tselınograd aýdanynda 16 nysan, Shortandy aýdanyndaǵy tórt nysan, Aqkól jáne Bulandy aýdandaryndaǵy úsh nysan, Esil jáne Zerendi aýdandarynda ekeýden, Atbasar, Jarqaıyń, Arshaly, Astrahan, Birjan sal, Ereımentaý, Jaqsy jáne Egindikól aýdandarynda bir – birden nysandar bar», - deıdi densaýlyq saqtaý basqarmasynan.
Densaýlyq saqtaý mınıstrliginiń deregi boıynsha, respýblıka boıynsha pılottyq joba sheńberinde 32 kópbeıindi aýdandyq ortalyq aýrýhanalardy ashý jáne qaıta jańartý josparlanǵan.
Sonyń ishinde Aqmola oblysynda eki aýrýhanany qaıta jaraqtandyrý qarastyrylǵan.
«Bul Atbasar jáne Bulandy aýdandaryndaǵy kópsalaly aýdanaralyq aýrýhanalar. Aýrýhanalarda ınsýlt jáne kardıologııalyq bólimsheler, Teri arqyly koronarlyq aralasý-ortalyqtar, jansaqtaý jáne qarqyndy terapııa bólimsheleri, az ınvazıvti hırýrgııa, travmatologııa jáne ońaltý bólimsheleri ashylady. Aýrýhanalardy zamanaýı medıtsınalyq jabdyqtarmen jaraqtandyrý (KT, MRT, angıograf, saraptamalyq klassty ÝDZ, endoskopııalyq, reanımatsııalyq jabdyqtar, medıtsınalyq ońaltý úshin) jáne kúrdeli jóndeý jumystaryn júrgizý kózdelgen.
Osylaısha, elimizde «aýyldyq densaýlyq saqtaýdy jańǵyrtý» pılottyq jobasyn júzege asyrý arqyly aýyl men qala densaýlyǵy arasyndaǵy teńgerimsizdikti azaıtý kózdelip otyr.
Bul rette, Aqmola oblysynyń álýeti zor.
Oblystyq densaýlyq saqtaý basqarmasynyń málimetinshe, táýelsizdik jyldary Aqmola oblysynda 50-den astam densaýlyq saqtaý nysany salyndy, aýyldarda 11 jyljymaly medıtsınalyq keshen bar, sondaı-aq oblys óńirlerinde 11 kompıýterlik tomograf jáne 4 MRT apparaty jumys isteıdi.
Qoldanystaǵy zańnamaǵa sáıkes 26 dárihana pýnkti emhanalar janynda ashylǵan, olarda búgingi kúni jalpy somasy 1,2 mıllıard teńgege 793 tegin dárilik preparattar bar.
Jospar boıynsha jalpy somasy 8 mıllıard teńge bolatyn 900 ataýly dárilik preparat bolýy tıis.
Basqarmanyń baspasóz qyzmetinen atap ótkendeı, bıyl Aqmola oblysynda densaýlyq saqtaý ǵımarattaryn kúrdeli jóndeý boıynsha 11 jobalaý-smetalyq qujattamany daıyndaýǵa 129,2 mıllıon teńge bólindi.
Sonymen birge, Tselınograd aýdanynyń Qoıandy aýylynda alǵashqy medıtsınalyq-sanıtarlyq kómek kórsetý ortalyǵynyń jáne Qosshy qalasynda 100 adam qabyldaıtyn emhananyń qurylysy jalǵasyp jatyr.
Atbasar aýdanynyń Novoselskoe aýylynda 170,1 mıllıon teńgege feldsherlik-akýsherlik pýnkt jáne Atbasar aýdanynyń Sochınskoe aýylynda medıtsınalyq pýnkt salýǵa «Shańyraq-XII» jaýapkershiligi shekteýli seriktestigimen kelisimshart jasaldy.
Budan bólek, 2025 jylǵa deıin ult densaýlyǵy jobasyn júzege asyrý aıasynda Kókshetaý qalasynda kópbeıindi aýrýhana qurylysy júrip jatyr.
Búgingi kúni Saryarqa yqshamaýdanynda jergilikti atqarýshy organ tarapynan 17 gektar jer telimi bólingen. Bul baǵyttaǵy jumystar odan ári jalǵasyp jatyr.