Aqmolada 53 sottalýshy ózderine tıesili járdemaqyny almaǵan - prokýratýra
08:19, 26 Mamyr 2022
KÓKShETAÝ. QazAqparat - Aqmola oblysyndaǵy túzeý mekemeleriniń birinde jergilikti atqarýshy organdardyń jáne mekeme ákimshiliginiń kinásinen áleýmettik mándi aýrýlary bar 53 sottalǵan azamat memleketten ózderine tıesili járdemaqy túrindegi kómekterin almaǵan, dep habarlaıdy QazAqparat.
Aqmola oblystyq prokýratýrasynyń qylmystyq-atqarý júıesi mekemelerindegi keshendi tekserý sharalary barysynda sottalǵandardyń konstıtýtsııalyq quqyqtarynyń buzylǵanyn anyqtady.
«Tekserý nátıjesinde qadaǵalaý aktileri engizilip, 53 sottalǵan adam aýrýy boıynsha áleýmettik kómek aldy, buzylǵan quqyqtary qalpyna keltirildi. Prokýrorlyq qadaǵalaý aktileri boıynsha 26 tártiptik jaýapkershilikke, 3 QAJ qyzmetkeri ákimshilik jaýapkershilikke tartyldy, buzýshylyqtar joıyldy», - dep jazdy vedomstvodan.