KÓKShETAÝ. QazAqparat – Shortandy aýdanynyń Bozaıǵyr aýylynda «Milk Product» jaýapkershiligi shekteýli seriktestigi zamanaýı taýarly-sút fermasyn iske qosty, dep habarlaıdy QazAqparat tilshisi aýdan ákimdigine silteme jasap.
«Bul - 500 bas iri qara malǵa arnalǵan alǵashqy ferma. Jańa fermaǵa Eýropadan sımmental tuqymdy iri qaranyń alǵashqy legi jetkizildi» deıdi vedomstvodan.
Jergilikti ákimdiktiń málimetinshe, jaqynda ferma tolyq qýatyna shyǵady.
Bul ınvestıtsııalyq joba Nur-Sultan qalasynyń aınalasyndaǵy azyq-túlik beldeýin ulǵaıtý maqsatynda «Qarapaıym zattar ekonomıkasy» baǵdarlamasy aıasynda júzege asyrylyp otyr.
Aslan Ospanov
M.Qozybaev atyndaǵy Soltústik Qazaqstan memlekettik ýnıversıtetinde oqyǵan. Maqalalary respýblıkalyq, oblystyq jáne qalalyq gazetterde jıi jarııalanyp keldi. «Qazaqstan» RTRK» aktsıonerlik qoǵamynyń Aqmola oblystyq fılıalynda, «Arqa ajary» gazetinde qyzmet atqardy. 2014 jyldan beri «KAZINFORM» HAA-de jumys isteıdi.