Aqmolada 14 jasqa deıingi balalar arasynda COVID juqtyrý ósken

KÓKShETAÝ. QazAqparat – Bıylǵy 7 jeltoqsandaǵy jaǵdaı boıynsha Aqmola oblysynda koronavırýstyq ınfektsııamen syrqattanýshylyq boıynsha epıdemıologııalyq jaǵdaı salystyrmaly túrde turaqty. Alaıda, 14 jasqa deıingi balalar arasynda COVID-19 jaǵdaılarynyń ósýi baıqalady. Bul týraly jýrnalıstermen ótken brıfıngide Aqmola oblystyq sanıtarlyq-epıdemıologııalyq baqylaý departamentiniń basshysy Aınagúl Mýsına málimet etti, dep habarlaıdy QazAqparat tilshisi.

Óńirdiń bas memlekettik sanıtarlyq dárigeriniń aıtýynsha, qazan aıynda 13 bala aýyryp qaldy, bul naýqastardyń jalpy sanynyń 12,7 paıyzyn qurady, qarashada-12 bala (12,4 paıyz), jeltoqsanda 9 bala, barlyq jaǵdaılardyń úles salmaǵy 29 paıyz boldy. Jeltoqsan aıynda COVID-19-dyń 38 jaǵdaıy tirkeldi, sońǵy aptada 4 jaǵdaıdyń ósýi baıqaldy, onyń 95 paıyzy sımptomatıkalyq, 5 paıyzy asımptomatıkalyq.

Osy rette, naýqastardyń eń kóp paıyzy qajetti ımmýnıteti joq adamdarda - 76,9 paıyz (197 adam), onyń ishinde vaktsınatsııalanbaǵandarda - 48,4 paıyz (124 adam), ýaqtyly revaktsınatsııa almaǵandarda - 8,5 paıyz (73 adam) boldy. Qazan aıynda aýyrǵandardyń 119-y, onyń 57-si (47,8 paıyz) vaktsınatsııalanbaǵan, 34-i (54,8 paıyz) ýaqtyly revaktsınatsııa almaǵan, 91-i (76,4 paıyz) ımmýnıteti jetkiliksiz. Qarasha aıynda aýyrǵandardyń 99-y, olardyń 46-sy (46,4 paıyz) vaktsınatsııalanbaǵan, 29-y (54,7 paıyz) ýaqtyly revaktsınatsııa almaǵan, 75-i (75,7 paıyz) ımmýnıteti jetkiliksiz. Jeltoqsan aıynda aýyrǵandardyń 38-i, onyń 21-i (55,2 paıyz) vaktsınatsııalanbaǵan, 10-y (58,8 paıyz) ýaqtyly revaktsınatsııa almaǵan, 31-i (81,5 paıyz) ımmýnıteti jetkiliksiz.

«Búgingi tańda oblysta koronavırýstyq ınfektsııany juqtyrǵan naýqastardy aýrýhanaǵa jatqyzý úshin 63 tósek-oryn jaıǵastyryldy, 7 jeltoqsandaǵy jaǵdaı boıynsha onyń 3 paıyzyna naýqastar ornalystyryldy. Aýrýhanaǵa jatqyzylǵandardyń barlyǵy-3 adam, onyń ishinde bireýi bala, bireýi júkti áıel», - dedi óńirdiń bas memlekettik sanıtarlyq dárigeri Aınagúl Mýsına.

Aıta ketsek, Aqmola oblysynda eki medıtsınalyq nysan paıdalanýǵa berildi.