Aqmolada 10 jasar balany zorlaǵan jasóspirimder isi tergelip jatyr

KÓKShETAÝ. QazAqparat - Aqmola oblysynda jasóspirimder 10 jastaǵy balany zorlaý isi boıynsha tergelip jatyr, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, bul týraly bıylǵy mamyrdyń 9-da polıtsııaǵa habarlanǵan.

Onda WhatsApp messendjeri arqyly astana mańyndaǵy eldi mekenderdiń birinde turatyn 2012 jyly týǵan kámeletke tolmaǵan balaǵa qatysty seksýaldyq sıpattaǵy is-áreketteri bar beınejazba taraǵany aıtylǵan.

«Osyǵan baılanysty Qylmystyq kodekstiń 121-baby 4-bóligi (jas balaǵa qatysty nápsiqumarlyq sıpattaǵy kúsh qoldaný áreketteri) boıynsha qylmystyq is qozǵalyp, tergeý amaldary júrip jatyr. Іs boıynsha sot saraptamalary taǵaıyndaldy. Kámeletke tolmaǵandardan jaýap alý zańdy ókilderdiń, pedagogtardyń, psıhologtardyń jáne advokattardyń qatysýymen júzege asyp jatyr. Ózge aqparat Qylmystyq kodekstiń 201-babyna sáıkes tergeý múddesine baılanysty jarııalanbaıdy», - dedi vedomstvodan.