Aqmola jáne Soltústik Qazaqstan oblystaryndaǵy sý qoımalary 100% tolyp tur

<p>ASTANA. KAZINFORM &ndash; QR Sý resýrstary jáne ırrıgatsııa mınıstrliginiń baspasóz qyzmeti eldegi sý qoımalaryndaǵy jaǵdaı boıynsha osy ýaqyttaǵy málimetterdi jarııalady.</p>

Aqmola oblysyndaǵy Astana jáne Sileti sý qoımalary 100%-ǵa tolǵan. Eki nysan da shtattyq kestege saı jumys isteıdi.

Soltústik Qazaqstan oblysyndaǵy 2 iri sý qoımasy 100%-ǵa toly, óńirde sý tasqyny jalǵasyp jatyr. Sergeev sý qoımasy bógetiniń jotasynan sýdyń asý bıiktigi 3,6 metr.

Osy saǵatqa Petropavl qalasy shegindegi Esil ózeniniń deńgeıi - 1270 sm, ol bir táýlikte 4 sm-ge tómendedi.

Aqtóbe oblysyndaǵy eki iri sý qoımasynyń ortasha sý jınaý kórsetkishi 97%. Eki nysan da shtattyq kestege saı jumys isteıdi.

Shyǵys Qazaqstan oblysynda eki iri sý qoımasy boıynsha ortasha sý jınaý kórsetkishi shamamen 81%.

Abaı oblysynda Shúlbi sý qoımasy 63%-ǵa toldy. Óńirde sý tasqyny jalǵasýda. Shúlbi sý qoımasyna búıirlik aǵyndardyń ulǵaıýyna baılanysty tabıǵatty qorǵaý is-sharalaryna sý jiberý jumystary jalǵasýda. Ertis kaskadynyń sý qoımalary shtattyq kestege saı jumys isteıdi.

Batys Qazaqstan oblysyndaǵy tórt iri sý qoımasynyń ortasha sý jınaý kórsetkishi 86%. Olardyń barlyǵy shtattyq kestege saı jumys isteıdi.

Qaraǵandy oblysyndaǵy 3 iri sý qoımasy 98,5%-ǵa toly. Olardyń barlyǵy da shtattyq rejımde jumys isteıdi.

Qostanaı oblysynda eki iri sý qoımasynyń ortasha sý jınaý kórsetkishi 92%. Eki nysan da shtattyq kestege saı jumys istep jatyr.

«ShQO men BQO-dan basqa barlyq óńirlerde sý tasqynynyń belsendi kezeńi ótti. Sý qoımalarynda táýlik boıy kezekshilik jáne sý sharýashylyǵy jaǵdaıynyń monıtorıngi jalǵasýda»,-delingen mınıstrliktiń baspasóz qyzmeti taratqan aqparatta.